Minski vahonaramontny zavod i Homielski vahonabudaŭničy zavod taksama demanstrujuć svaje navinki na čyhunačnaj stancyi «Ždanovičy».
Homielski vytvorca čyhunačnaj techniki vystaviŭ kupejny vahon 61-779. Asnoŭnaje jaho adroźnieńnie ad zvykłych nam vahonaŭ - dadatkovaje kupe, tamu ŭ vahonie 61-779 moža jechać adnačasova 40 čałaviek suprać 36 pasažyraŭ u vahonie staroha ŭzoru.
«My hatovyja pastaŭlać hetyja vahony lubym zamoŭcam, ale pakul zadavalniajem miascovy popyt. U asnoŭnym hetyja vahony nabyvajuć dla firmovych ciahnikoŭ. Voś hety vahon budzie častkaj firmovaha ciahnika «Sož», jaki jeździć u Maskvu», — raskazaŭ pradstaŭnik HVZ.
Taksama jon paviedamiŭ, što siońnia bolš za 70 takich vahonaŭ jeździać pa Biełarusi. Hetaja ličba nie vyhladaje aptymistyčnaj, kali ŭličvać, što vahony 61-779 vyrablajuć z 2008 hoda.
Minski zavod prademanstravaŭ svoj płackartny vahon 61-4447.M.
Vystava čyhunačnaj techniki biełaruskaj vytvorčaści na stancyi «Ždanovičy».
Vonkavy vyhlad vahonaŭ nie źmianiŭsia.
Kupe dziažurnaha pravadnika. Uvieś vahon 61-779 zrobleny ŭ niejtralnym šerym i biełym kolerach. Materyjały: płastyk i chramavany mietał. Usio vyhladaje jakasna i dychtoŭna.
Kantrolnaja panel, jakaja kiruje ŭsimi sistemami vahona.
Racyja ŭ radyjokupe, dzie znachodzicca načalnik sastavu i ź jakoha ažyćciaŭlajecca radyjosuviaź z usimi inšymi vahonami.
Indykatary zaniataści prybiralni. Jany bujnyja i dobra zaŭvažnyja, ale vytvorcy zamiest dvuch bujnych indykataraŭ mahli zrabić adzin, jaki śviecicca čyrvonym ci zialonym.
Indykatar vykliku pravadnika. Kali nacisnuć huzik u kupe, z advarotnaha boku dźviarej zaharycca lampačka. Kab jaje patušyć, pravadnik musić nacisnuć čyrvony huzik.
Prybornaja panel kupe, ź jakoj možna kiravać śviatłom, vyklikać pravadnika i daviedacca, ci volnaja prybiralnia. Na paneli taksama jość razietki i rehuliroŭka hučnaści radyjo. Na žal, asobnaje rehulavańnie tempieratury pavietra adsutničaje.
Azdableńnie vahona niajarkaje i pryjemnaje voku.
Jakaść zborki vysokaja. Palicy ababityja vieluram. Vierchnija palicy zamykajucca i admykajucca mietaličnymi spružynnymi zaščapkami. U vahonie ŭstalavanyja śviatłodyjodnyja lampy.
Parenčy ahinajuć avaryjnyja vychady.
Schiema bahažnych adździaleńniaŭ zastałasia staroj. Na žal, čyrvonyja dyvanki na padłozie psujuć estetyčnaje ŭražańnie ad vahona.
Śmietnica.
Adna ź dźviuch prybiralniaŭ vahona.
Usio vyhladaje jakasna, dychtoŭna i «pa-jeŭrapiejsku».
Narešcie ŭ biełaruskich vahonach pačali ŭstaloŭvać vakuumnyja ŭnitazy, i pasažyram nie daviadziecca ciarpieć padčas prajezdu ciahnika praz sanitarnyja zony.
Usie detali dobra pradumanyja. Dla kožnych dźviarej ustalavany miakki humovy ŭpor. Adnak vahonu brakuje miesca dla spavivańnia dziaciej. A hety atrybut padajecca nieabchodnym mienavita dla kupejnaha vahona, u jakim ludzi jeduć u dalokija padarožžy.
Varyjant paścielnaj bializny dla novaha kupejnaha vahona.
Adziny nadpis pa-biełarusku na ŭvieś vahon, usiudy tatalna vykarystoŭvajecca adna dziaržaŭnaja mova.
Infarmacyjnaje tabło.
Adziny zaŭvažny niedarobak, znojdzieny ŭ vahonie — niepadahnanyja dźviery šafy pad myjkaj u kupe pravadnikoŭ.
Vahon 61-4447.M Minskaha vahonaramontnaha zavoda abstalavany huzikam zvonku dla vykliku pravadnika.
U płackartnym vahonie 61-4447.M ustalavanaja sistema videanazirańnia z čatyrma kamierami.
Azdableńnie sałona płackartnaha vahona pakidaje nie takoje pryjemnaje ŭražańnie. Asnoŭny koler sałona — «kava z małakom». Ralet, jaki zakryvaje kacielnaje adździaleńnie, robić tambur padobnym da začynienaha kijoska.
Pierachody pamiž vahonami abstalavanyja dźviaryma aŭtamatyčnaha zakryćcia i adkryćcia. Treba tolki nacisnuć knopku. Uvachodnyja dźviery taksama aŭtamatyčnyja, što zvyčajna dla vahonaŭ z klimat-kantrolem.
Novy vahon daŭžejšy za papiarednija madeli: u jaho dadali pamiaškańnie dla zachoŭvańnia bializny i druhuju prybiralniu.
Kupe dziažurnaha pravadnika.
Kantrolnaja panel vahona. Hałoŭny orhan kiravańnia — sensarny manitor.
Bojler. Novy płackartny vahon abstalavany elektryčnaj i reziervovaj vuhalnaj sistemami aciapleńnia.
Kupe nie adroźnivajucca ad papiarednich madelaŭ. Na žal, vytvorcy vahona nie admovilisia ad zamianialnika skury na karyść vieluravaj abiŭki.
Infarmacyjnaje tabło i kamiera.
Małatok avaryjnaha vychadu.
Kab adkinuć palicu, treba adčapić kołca ad haka la ścienki, što dastatkova niazručna. Da taho ž, kołca chutka parvie čachoł, jaki zakryvaje łancuh, što trymaje palicu.
Vahon abstalavany vakuumnaj prybiralniaj.
Indykatar zaniataści prybiralni.
Prybiralnia płackartnaha vahona.
Huzik źlivu ŭnitaza realizavany vielmi sprečnym čynam. Jon mieścicca nie nad unitazam, a zboku. Da taho ž, jaho rolu vykonvaje prosty bytavy vyklučalnik. Znajści jaho ŭdajecca nie adrazu.
Popielnica.
Ahulny ŭzrovień jakaści minskaha vahona značna sastupaje homielskamu. U im vykarystanyja tańniejšyja materyjały, i vahon čymści nahadvaje niedarahuju ofisnuju meblu. Vahon sabrany nie vielmi akuratna, a časam u kanstrukcyi sustrakajucca niedarečnyja elemienty, jak, naprykład, aluminijevy parožak, jakim zakryli ščylinu.
Mietaličnaja płaścina ŭ prybiralni apracavanaja i prykručana niajakasna.
Źleva — kupejny vahon z Homiela, sprava —płackartny vahon minskaj vytvorčaści.
