Urad adznačaje surjozny niedabor biudžetnych pastupleńniaŭ, ale za košt aptymizacyi raschodaŭ pa vynikach hoda čakajecca nievialiki deficyt biudžetu, paviedamlaje BiełaPAN.
Ab hetym zajaviŭ premjer-ministr Michaił Miaśnikovič, jakoha 1 kastryčnika z dakładam pryniaŭ Alaksandr Łukašenka, paviedamlaje pres-słužba kiraŭnika krainy.
Łukašenka ŭ suviazi z hetym vykazaŭ u adras urada krytyku za toje, što na miescach jość jašče šmat niearhanizavanaści i nieakuratnaha staŭleńnia da raschodavańnia biudžetnych srodkaŭ.
Miaśnikovič prainfarmavaŭ, što za vosiem miesiacaŭ hetaha hoda na madernizacyju było nakiravana 95 trłn. rubloŭ pry hadavym płanie kala 120 trłn.
Praces madernizacyi, u pryvatnaści, paśpiachova realizujecca na BiełAZie, BMZ, naftapierapracoŭčych zavodach. Łukašenka padkreśliŭ, što srodki na madernizacyju pavinny ŭkładvacca vyklučna ŭ efiektyŭnyja prajekty.
Miaśnikovič taksama prainfarmavaŭ, što pa vynikach pasiadžeńnia Vyšejšaha Jeŭrazijskaha ekanamičnaha savieta na ŭzroŭni kiraŭnikoŭ uradaŭ, jakoje prajšło 25 vieraśnia ŭ Astanie, udałosia pryniać rašeńnie pa šerahu važnych pytańniaŭ.
Baki damovilisia ab uviadzieńni bolš vysokaj zaharadžalnaj pošliny na impart zbožžaŭboračnych kambajnaŭ, što stvoryć dobryja pieradumovy dla prodažu adpaviednaj pradukcyi na rynkach Kazachstana i Rasii.
Dasiahnuty damoŭlenaści ab paradku zakupki ŭ trecich krainach pasažyrskich samalotaŭ.
«Heta taksama budzie dastatkova surjoznaja padtrymka, tamu što pošlina siońnia składaje kala 20%.
My damovilisia ab biaspošlinnym uvozie samalotaŭ faktyčna da 2019 hoda», — adznačyŭ premjer-ministr.
