Naturalna, my nie prapanujem kłaścisia pad pražektar. Ale i ŭ
tatalnaj ciemry lubić adzin adnaho taksama nie raim. Zapalicie
śviečki, načnik, chaj śviatło budzie pryhłušanym, ale ŭsio ž taki budzie. I voś 5 pryčyn čamu:
1. U seksie važnaja vizualizacyja.
Chiba nie pryjemna bačyć jaho tvar, kali jon stohnie ad zadavalnieńnia? Abo jaho vočy, kali jon šepča tabie na vuška łaskavyja ci naadvarot — hrubyja, ale takija seksualnyja słovy? Nam zdajecca, takija vidoviščy pa-varjacku raspalvajuć, hłupstva — siabie ich pazbaŭlać!
2. Zajmajučysia seksam pry śviatle, ty možaš lepš spaznać svajho partniora.
Jak minimum, ty budzieš razumieć, što jamu pryjemna, a što nie. Jon
navat moža nie vydavać ni huku — jaho tvar budzie dla ciabie lepšym «pakazčykam».
3. Vy zmožacie trymać stały vizualny kantakt.
Seks «vočy ŭ vočy» vielmi zblizić vas na duchoŭnym i psichałahičnym uzroŭni, vy budziecie lepš adčuvać i razumieć adzin adnaho, razumieć žadańnie partniora navat biez słoŭ.
4. Dazvolcie adzin adnamu ŭbačyć aholenaje cieła partniora.
Heta — prykmieta vialikaha davieru. Na žal, vielmi mnohija z nas saromiejucca svajho cieła, ličačy siabie niedastatkova seksualnym. Ale niezaležna ad svajho ciełaskładu, my dobryja takija, jakija jość i zasłuhoŭvajem prava kachacca i atrymlivać ad hetaha zadavalnieńnie!
5. Apošni arhumient, ale nie na apošnim miescy. Navukoŭcy
dakazali, što mnohija ludzi padśviadoma bajacca ciemry i adčuvajuć pavyšany ŭzrovień tryvožnaści, kali nie bačać, što adbyvajecca navokał. Heta moža stvaryć niepatrebnaje
napružańnie ŭ łožku.
