Padčas apieratyŭnaha supravadžeńnia prahramy madernizacyi
horadaŭtvaralnych pradpryjemstvaŭ Hrodna, a taksama prahramy inavacyjnaha raźvićcia Ministerstva pramysłovaści na 2011–2015 hady ŭ
złačynstvaŭ UUS Hrodzienskaha abłvykankama pravodziłasia pravierka ŭ dačynieńni da słužbovych asob AAT «Biełkard» pa fakcie nieabhruntavanaj vypłaty štohadovaj adnačasovaj uznaharody słužbovym asobam akcyjaniernaha
tavarystva.
Jak paviedamiła staršy opierupaŭnavažany pa asabliva važnych spravach HUBEZ MUS Vieranika Paśmiećcieva, apieratyŭniki sumiesna sa śpiecyjalistami KDK ustanavili, što pradpryjemstva «Biełkard» nie vykanała daviedzienaje zadańnie pa abjomie inviestycyj na 2012 hod (daviedzieny płan pradpryjemstva — 21 młrd. rubloŭ, pa spravazdačach ukazana 21,078 młrd. rubloŭ, a pa vynikach — 18,123 młrd. rubloŭ).
Jak vyśvietliłasia, pa svajoj niaŭvažlivaści niedakładnyja źviestki pra inviestycyi ŭ asnoŭny kapitał uniesła ŭ dziaržaŭnuju spravazdačnaść buchhałteryja pradpryjemstva, adnak kiraŭnictvam AAT byŭ vydadzieny zahad na vypłatu štohadovaj adnačasovaj uznaharody i šerah słužbovych asob
niezakonna premiravanyja na ahulnuju sumu bolš jak 610 młn. rubloŭ.
Dla pakryćcia niezakonna atrymanych hrašovych srodkaŭ kiraŭnictvam AAT «Biełkard» admienienyja zahady na vypłatu štohadovaj adnačasovaj uznaharody słužbovym asobam pradpryjemstva. U kasu pradpryjemstva kiraŭnictvam i słužbovymi asobami ŭžo dobraachvotna ŭniesiena bolš jak 436 młn. rubloŭ, astatniuju sumu ŭtrymajuć ź ich zarabotnaj płaty.
AAT «Biełkard» — adzin z najbujniejšych vytvorcaŭ kardannych pieradač i vałaŭ u Jeŭropie.
