Interpoł pryniaŭ zajaŭku Biełarusi ab abviaščeńni Sulejmana Kierymava ŭ mižnarodny vyšuk. Ab hetym paviedamlaje telekanał «Biełaruś 1» sa spasyłkaj na MUS Biełarusi.
Śledčy kamitet abvinavačvaje Kierymava, saŭładalnika «Urałkalija», u złoŭžyvańni ŭładaj i słužbovymi paŭnamoctvami. Kierymaŭ źjaŭlajecca abvinavačanym pa rasśledavanaj kryminalnaj spravie ŭ dačynieńni da słužbovych asob ZAT «Biełaruskaja kalijnaja kampanija». Maksimalnaja sankcyja artykuła praduhledžvaje da 10 hadoŭ pazbaŭleńnia voli z kanfiskacyjaj majomaści.
Advakat Kierymava Anatol Kučerena zaklikaŭ Alaksandra Łukašenku razabracca ŭ situacyi sa svaim padabaronnym i zahłybicca ŭ hetuju spravu.
26 žniŭnia Minsku byŭ zatrymany hienieralny dyrektar «Urałkalija» Uładzisłaŭ Baŭmhiertnier. Jamu byli pradjaŭlenyja tyja ž abvinavačvańni, što i Kierymavu.
0
0
0
0
0
0
