Byłaja paluboŭnica lidera Paŭnočnaj Karei Kim Čen Yna śpiavačka Chion Son Vol była prysudžanaja da vyšejšaj miery pakarańnia pa abvinavačvańni ŭ parnahrafii i publična rasstralanaja ŭ składzie hrupy inšych muzykaŭ 20 žniŭnia,paviedamlaje chosun.com.
Pavodle infarmacyi krynic u Kitai, śpiavačka i kiraŭnik arkiestra «Ynchasu» byli aryštavanyja 17 žniŭnia za parušeńnie zakona ab parnahrafii, a praz try dni publična rasstralanyja.
Achviarami hetaj raspravy stali muzykanty arkiestra, a taksama tancory i vykanaŭcy z hurtu Wangjaesan.
Ich abvinavacili ŭ tym, što jany nibyta pradavali svaje parnahrafičnyja zapisy ŭ Kitai.Taksama śćviardžajecca, što ŭ niekatorych abvinavačanych znajšli Biblii, a stavilisia da ich jak da palityčnych dysydentaŭ.
Kim Čen Yn sustreŭ Chion Son Vol kala 10 hadoŭ tamu. Paźniej Kim Čen Ir prymusiŭ syna parvać z paluboŭnicaj, a jana vyjšła za muž za inšaha mužčynu, vajskoŭca. Z taho času chadzili čutki, što para padtrymlivała ramantyčnyja adnosiny.
Ciapierašniaja žonka Kim Čen Yna Li Sol Ju taksama była śpiavačkaj arkiestra «Ynchasu». Niajasna, ci maje jana dačynieńnie da hetaj ekziekucyi.
Prysud byŭ pryviedzieny ŭ vykanańnie na vačach u inšych muzykaŭ i členaŭ ich siemjaŭ, jakich adpravili ŭ łahiery.
Pieśnia ŭ vykanańni Chion Son Vol.
0
0
0
0
0
0
