Ci budziem ź miodam? 1

33,1 tony tavarnaha miodu narychtavana ŭ haspadarkach haliny ŭ hetym siezonie. Heta 33% ad zapłanavanaha na 2013 hod, paviedamili ŭ pres-słužbie Ministerstvie lasnoj haspadarki.

U cełym za apošnija piać hadoŭ rost abjomu tavarnaha miodu pa halinie skłaŭ 122,7%.

Jak adznačyli ŭ pres-słužbie, siońnia ŭ lashasach haliny pravodzicca vialikaja praca pa raźvićci pčalarstva. Tak, u miežach adpaviednaj halinovaj prahramy, raźličanaj na 2011—2015 hady, haspadarki pavialičvajuć kolkaść pčalinych siemjaŭ, pravodziać mierapryjemstvy pa palapšeńni ich plemiannych jakaściaŭ, nabyvajuć novyja vulli, kačavyja płatformy.

U pryvatnaści, sioleta lashasy nabyli 1.231 pčalinuju płodnuju matku (pry płanie 1.160).

Za šeść miesiacaŭ haspadarki zakupili 1.044 vulli, a da kanca hoda, u adpaviednaści z prahramaj, pavinny nabyć (ci vyrabić) jašče amal 399.

U 2013 hodzie dla padvozu pčalinych siemjaŭ na apyleńnie lashasy nabyli 35 kačavych płatform zamiest 22 zapłanavanych.

Na 1 kastryčnika 2010 hoda ŭ haliny miełasia 6.929 pčalinych siemjaŭ.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH