U Padmaskoŭi KAMAZ prataraniŭ aŭtobus — nie mienš za 18 zahinułych Abnoŭlena, dadałosia videa momanta avaryi 2

DTZ u novaj Maskvie zabrała žyćci 18 čałaviek, paviedamili ŭ subotu ahienctvu RIA Novosti ŭ MNS RF. Siarod zahinułych — adno dzicia. Pa dadzienych staličnaha departamienta achovy zdaroŭja, paciarpieli 43 čałavieki, 14 ź ich znachodziacca ŭ ciažkim stanie.

Rejsavy aŭtobus, jaki trapiŭ u DTZ, razvaliŭsia na dźvie častki paśla sutyknieńnia z KAMAZam hružanym druzam.

«Aŭtobus jechaŭ z Padolska ŭ Žochava. Z druharadnaj darohi vyjechaŭ KAMAZ i prataraniŭ aŭtobus, u jakoha adarvała zadniuju častku», — raskazali ŭ pres-słužbie HU MUS pa Maskvie. Kiroŭca hruzavika, jak miarkujecca, jaki staŭ vinavatym u DTZ, zastaŭsia žyvy i ŭ ciapierašni čas znachodzicca ŭ Botkinskaj balnicy. Raniej paviedamlałasia, što jon zahinuŭ. Pa fakcie DTZ raspačata kryminalnaja sprava.

Jak paviedamiła RIA Novosti krynica ŭ pravaachoŭnych orhanach, aŭtobus byŭ «nabity bitkom». «U miascovych žycharoŭ heta vielmi papularny maršrut, tamu narodu ŭ aŭtobusie-harmoniku było vielmi šmat», — skazaŭ jon.

Na miescy zdareńnia pracavali supracoŭniki MNS, kala 30 bryhad chutkaj dapamohi, palicyja. Zaraz avaryjna-vyratavalnyja raboty zavieršany. Ruch aŭtamabilaŭ na trasie blizu Padolska zastajecca całkam pierakryty ŭ abodva baki.

Videa ria.ry

Hladzi taksama: U Saratavie hruzavik rastruščyŭ bolš za 30 aŭto

0

0

0

0

0

0

Pavodle ria.ru

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH