Litva čakaje Biełaruś u Jeŭrapiejskim sajuzie, choć vielmi ciažka prahnazavać, kali ŭ krainie adbuducca demakratyčnyja pieramieny, skazaŭ u sieradu kiraŭnik parłamienckaha Kamiteta pa spravach Jeŭropy Hiedziminas Kirkiłas.
Vystupajučy ŭ parłamiencie na sustrečy z pradstaŭnikami demakratyčnych partyj Biełarusi, palityk skazaŭ, što dla Biełarusi vielmi važnyja pryjarytety Litvy ŭ pieryjad staršynstva ŭ ES, u liku jakich i Uschodniaje partniorstva, i enierhietyčnaja biaśpieka, i abarona źniešnich miežaŭ Supolnaści.
«Viadoma, my chvarejem za Biełaruś. Litva mocna spadziajecca, što nieŭzabavie hetyja dziaržavy intehrujucca ŭ demakratyčnuju Jeŭropu i hetaha nie pryjdziecca čakać dziesiacihodździami. Tamu chaču padkreślić: Litva vielmi čakaje Biełaruś u Jeŭrapiejskim sajuzie», — zajaviŭ
Pavodle jaho śćviardžeńnia, Litva razam ź ES padtrymlivaje hramadzianskuju supolnaść Biełarusi, i choča akazać padtrymku demakratyčnaj apazicyi hetaj krainy i jaje demakratyčnych intelektuałaŭ.
«Litva prytrymlivajecca pazicyi, kab u adnosinach biełaruskich uładaŭ ź ES nie paciarpieŭ narod Biełarusi», — padkreśliŭ Kirkiłas.
