Unikalnaja kniha Kazimira Siemianoviča pieradadziena ŭ dar Nacyjanalnaj biblijatecy — foty 2

Fond Nacyjanalnaj biblijateki Biełarusi (NBB) papoŭniŭsia ŭnikalnym knižnym pomnikam XVII st. — knihaj Kazimira Siemianoviča «Vialikaje mastactva artyleryi» na niamieckaj movie. Staradruk pieradadzieny ŭ dar sumiesnym zakrytym akcyjaniernym tavarystvam «BiełAVM».

Da minułaha hoda ŭ schoviščach Biełarusi nie było nivodnaha asobnika vydańniaŭ Kazimira Siemianoviča XVII st. U 2012 hodzie fond NBB papoŭniŭsia dvuma pieršymi vydańniami traktata «Vialikaje mastactva artyleryi» na łacinskaj i francuzskaj movach 1650 i 1651 hadoŭ. Viartańnie ŭ Biełaruś hetych knih było ažyćcioŭlena pry spryjańni AAT «BPB-Aščadbank».

Sioleta dziakujučy sponsarskaj padtrymcy SZAT «BiełAVM» da kalekcyi dadałosia treciaje vydańnie knihi na niamieckaj movie. Manahrafija znakamitaha biełaruskaha daśledčyka nadrukavana ŭ Frankfurcie-na-Majnie ŭ 1676 hodzie ŭ pierakładzie Tomasa Berena z ustupnym słovam kapitana artyleryi Danijela Erlicha.

Jak skazała BiełaPAN zahadčyk siektara muziejnaj dziejnaści navukova-daśledčaha adździeła knihaznaŭstva NBB Taćciana Zacharava (na zdymku 4), apošniaje vydańnie — nadzvyčaj redkaje, i važna, što ź jaho źjaŭleńniem farmirujecca cełasnaja kalekcyja spadčyny Siemianoviča.

Uradženiec biełaruskich ziamiel Siemianovič ličycca adnym z zasnavalnikaŭ suśvietnaj rakietnaj balistyki i kasmanaŭtyki. Na praciahu stahodździaŭ jaho traktat «Vialikaje mastactva artyleryi» źjaŭlaŭsia nie tolki adnoj z najvažniejšych u Jeŭropie navukovych prac, ale i adnym z najbolš zapatrabavanych padručnikaŭ pa artyleryi.

0

0

0

0

0

0

Fota Siarhieja Saciuka, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH