Akazvajecca, adzin z kampanientaŭ šyroka viadomaj prypravy chmieli-suneli — pažytnik — moža być mahutnym naturalnym stymulataram patencyi. Daśledavańnie, ažyćcioŭlenaje śpiecyjalistami Centra intehratyŭnaści malekularnaj i kliničnaj miedycyny (ZŠA) pakazała, što pažytnik jak minimum na čverć
pavyšaje mužčynskaje libida. Padčas ekśpierymientu ŭ mužčyn, jakija ŭžyvali hetuju raślinu ŭ ježu na praciahu šaści tydniaŭ pa dva razy na sutki, — patencyja pavialičyłasia z 16 da 20 adzinak.
Pažytnik — viadomaja vostraja pryprava ŭ śviecie kulinaryi. U staražytnaści było viadoma i pra jaho hajučyja ŭłaścivaści: pažytnik užyvali dla palahčeńnia rodaŭ i ŭzmacnieńnia łaktacyi, jak efiektyŭny haračkapanižalny srodak i jak srodak dla lačeńni zaŭčasnaha abłysieńnia. Na Uschodzie pryhažuni z haremaŭ bahatych emiraŭ jeli padsmažanaje nasieńnie pažytnika, kab nadać pryvabnuju kruhlavaść kłubam i hrudziam.
