Były staršynia Homielskaha abłvykankama Mikałaj Vajciankoŭ pamior 22 krasavika na 67-m hodzie žyćcia. Homielskim abłvykankamam jon kiravaŭ u 1989—1995 i 1997—2001. U 1995—1997 byŭ pasłom u Čechii, u 2001—2009 — pasłom pa asablivych daručeńniach.
Hetaha ścipłaha čynoŭnika na Homielščynie lubili. Paśla Čarnobyla jon byŭ siarod tych, chto rabiŭ usio, kab abaraniać ludziej ad durnych zahadaŭ z Maskvy i Minska. Tysiačy ludziej jamu za heta asabista ŭdziačnyja. Jon asabista arhanizoŭvaŭ pobyt mnohich vysialencaŭ, lačeńnie dziasiatkaŭ chvorych.
Jahonaj zasłuhaj było stvareńnie ŭ Homieli Centra radyjacyjnaj miedycyny, jość dola jahonaj zasłuhi ŭ adkryćci pomnika Francišku Skarynu ŭ Prazie.
Dobraja pamiać pra jaho zachavajecca na jahonaj małoj radzimie — u viościa Bałotnia Rahačoŭskaha rajona. Pachavali Mikałaja Vajciankova na Paŭdniovych-2 mohiłkach pad Homielem.
