U Barysavie zatrymana kišeńnica «Załataja ručka» 2

U Barysavie supracoŭniki kryminalnaha vyšuku miascovaha RUUS i apieratyŭna-pošukavaha adździeła UUS Minabłvykankama zatrymali zładziejku pa mianušcy Załataja ručka, jakaja śpiecyjalizavałasia na kišennych kradziažach.

U Barysaŭski RAUS źviarnułasia 50-hadovaja miascovaja žycharka z zajavaj ab tym, što ŭ paštovym adździaleńni pa vulicy Pracy, pakul jana stajała ŭ čarzie, nieviadomy vykraŭ ź jaje sumački 1,6 młn. rubloŭ.

Apieratyŭnyja supracoŭniki vyvučyli infarmacyju z kamier videanazirańnia i vyśvietlili, što kradziež učynili dźvie žančyny. Jany stali ŭ čarhu adrazu za achviaraj.

Pakul adna ź ich prykryvała ad zały druhuju, taja adkryła sumačku, vyciahnuła hrošy, schavała ich u rukaŭ, a zatym pierakłała ŭ kišeniu. Paśla hetaha zładziejki vyjšli z čarhi i źnikli.

Na videa apieratyŭniki paznali 38-hadovuju žycharku Barysava, viadomuju ŭ asiarodździ miascovaha kryminalitetu jak Załataja ručka. Žančyna raniej užo była trojčy sudzimaja za kradziažy. Apošni raz jana vyzvaliłasia ŭ 2010 hodzie.

Złačyncu zatrymali. Jana raskazała, što vykradzienyja hrošy patraciła na narkotyki i śpirtnoje. Barysaŭskim rajonnym adździełam Śledčaha kamiteta raspačata kryminalnaja sprava pa fakcie kradziažu.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH