31 sakavika Nacyjanalnaja avijakampanija «Biełavija» pierachodzić na letni raskład, jaki budzie dziejničać da 26 kastryčnika 2013 hoda.
Jak paviedamlaje
Z 28 krasavika dvojčy ŭ tydzień buduć vykonvacca rehularnyja rejsy ź Minska ŭ Samaru.
Z 28 maja ŭ raskładzie źjavicca rehularny rejs Minsk — Kutaisi — Minsk, jaki budzie vykonvacca trojčy na tydzień.
Akramia taho, u letnim raskładzie adnoviacca rehularnyja paloty ź Minska ŭ Novasibirsk, Sočy, Simfieropal, Karahandu, Kastanaj, Paŭładar i Mančester. Taksama buduć vykonvacca paloty ŭ Kalininhrad z Bresta, Homiela i Hrodna.
U novym siezonie «Biełavija» pavialičvaje častatu vykanańnia rejsaŭ pa šerahu napramkaŭ: Paryž,Tel-Aviŭ , Jekaciarynburh, Tehieran, Łarnaka, Ašchabad, Batumi, Hanovier, Jerevan, Maskva, Kijeŭ, Łondan, Miłan, Stambuł.
«Adkryvajučy novy siezon, my starajemsia ŭličvać, u pieršuju čarhu, pažadańni našych pasažyraŭ i płanujem u adpaviednaści ź imi i isnym popytam svaje maršruty. My praciahvajem nadavać asablivuju ŭvahu raźvićciu tranzitnych pieravozak praz Nacyjanalny aeraport Minsk, što ŭžo daje vysoki vynik», — adznačyŭ hienieralny dyrektar «Biełavija» Anatol Husaraŭ.
Akramia rehularnych rejsaŭ, adznačajecca ŭ paviedamleńnipres-słužby , źjaviacca i novyja čartarnyja prahramy z vyletam ź Minska na hrečaskija astravy Kos i Zakintas; u Araksas (Hrecyja), Kataniju (vostraŭ Sicylija, Italija),Palmu-de-Majorku (vostraŭ Majorka, Ispanija), a taksama ŭ Civat (Čarnahoryja), Pułu i Zadar (Charvatyja).
Budzie praciahnuta raspačataja minułaj vosieńniu čartarnaja prahrama pa maršrucie Minsk- Akaba (Iardanija) — Minsk.
Jašče adnym novaŭviadzieńniem stanie vykanańnie čartarnych rejsaŭ z Bresta ŭ Burhas (Bałharyja).