«Minsktrans» raspracavaŭ schiemu arhanizacyi pieravozak pry źmienie funkcyjanalnaha pryznačeńnia aŭtavakzała «Maskoŭski».Pra heta paviedamiŭ siońnia žurnalistam načalnik upraŭleńnia arhanizacyi pieravozak dziaržaŭnaha pradpryjemstva «Minsktrans» Siarhiej Jasinski.
Aŭtavakzał «Maskoŭski» budavaŭsia jak mižharodni vakzał, ale zaraz jon zhubiŭ svajo funkcyjanalnaje pryznačeńnie. Adsiul adpraŭlajecca tolki 20% mižharodnich i mižnarodnych rejsaŭ, u asnoŭnym heta adpraŭny punkt pryharadnych aŭtobusaŭ. Źmianiłasia maršrutnaja sietka horada, transpartnyja patoki, što pryviało da padzieńnia prodažaŭ kvitkoŭ, a vydatki na ŭtrymańnie abjekta vysokija.
U vypadku zakryćcia aŭtavakzała aŭtobusy Łahojskaha i Maskoŭskaha napramkaŭ bieź źmieny kolkasnaha składu buduć adpraŭlacca ad dyśpietčarskaj stancyi «Kalinoŭskaha», Papiarnianskaha napramku — ad dyśpietčarskaj stancyi «Karastajanavaj». Ich padrychtujuć pad novyja funkcyi pa vopytu aŭtastancyi «Zavodskaja» jak sumieščanych pryharadnych i haradskich stancyj.
Mižharodnija i mižnarodnyja maršruty pieraniasuć na aŭtavakzał «Uschodni» praz aŭtavakzał «Centralny»,pakolki na aŭtavakzale «Centralny» nie praduhledžana stajańnie aŭtobusaŭ.
Kančatkovym punktam haradskich aŭtobusnych maršrutaŭ zamiest aŭtavakzała «Maskoŭski» stanie dyśpietčarskaja stancyja «Słavinskaha».U vypadku likvidacyi razvarotnaha kalca dla tralejbusnych maršrutaŭ adnoviać tralejbusnuju liniju pa vuł. Vałhahradskaj i praśpiekcie Niezaležnaści. Akramia taho, miarkujecca pry nieabchodnaści arhanizavać rabotu maršrutaŭ, jakija źviažuć dyśpietčarskija stancyi «Kalinoŭskaha» i «Karastajanavaj».
0
0
0
0
0
0
