Viktar Janukovič padpisaŭ ukaz ab nadzvyčajnych mierach pa likvidacyi nastupstvaŭ śniehapadaŭ va Ukrainie: ab hetym paviedamlajecca na sajcie ŭkrainskaha prezidenta. Kiraŭnik dziaržavy rasparadziŭsia, u pryvatnaści, kab u baraćbie ź niepahadździu dziaržsłužbie pa nadzvyčajnych situacyjach dapamahali padraździaleńni ŭzbrojenych siłaŭ.
Zhodna z ukazam Janukoviča, orhany vykanaŭčaj ułady ŭsich uzroŭniaŭ pavinny zabiaśpiečvać dapamohu paciarpiełym - u pieršuju čarhu tym, chto trapiŭ u zatory na zaśniežanych darohach. Prezident zapatrabavaŭ, kab usie nieabchodnyja dziaržaŭnyja resursy byli nakiravanyja na narmalizacyju transpartnaj kamunikacyi i zabieśpiačeńnie narmalnaj žyćciadziejnaści paciarpiełych rehijonaŭ.
Za sutki pačynajučy ź piatnicy, 22 sakavika, u niekatorych častkach Ukrainy, u tym liku ŭ stalicy - Kijevie, vypali apadkaŭ zvyš miesiačnaj normy. Heta pryviało da maštabnych zbojaŭ transpartnych znosin.Na aŭtamabilnych darohach utvarylisia vialikija zatory, parušanaja praca aeraportaŭ.
Takoha śniehapadu ŭ Kijevie nie było navat zimoj. Za adnu noč utvarylisia hurby vyšynioj dva mietry. U mahaziny nie zavieźli śviežy chleb.
Z-za śniehapadu kiroŭcy pakinuli aŭtamabili na darozie i pajšli dadomu pieššu. U niekatorych kramach niama małaka i chleba - hruzaviki nie mohuć raźvieźci tavar.
0
0
0
0
0
0
