Havary pravilna: adnosiny, staŭleńnie, dačynieńni 9

Jak redaktar, viedaju, što heta adna z najčaściejšych pamyłak, vyklikanych upłyvam rasiejskaj movy. Pa-biełarusku adnosiny da kahości, pohlad na štości, razumieńnie čahości nazyvajucca «staŭleńnie». I adpaviedny dziejasłoŭ: «stavicca». Ja dobra staŭlusia da idej kansiervatyzmu. Majo staŭleńnie da ŭčynkaŭ novaha kalehi niehatyŭnaje. Jakoje tvajo staŭleńnie da Hanuli?

A voś charaktar pavodzin, abychodžańnia miž ludźmi, suviaź miž pracesami, zaležnaść źjavaŭ nazyvajecca «adnosiny». U značeńni «suviaź» hetaje słova maje jašče sinonim «dačynieńnie». Słova adnosiny maje jašče sinonim «stasunki». Jon užyvajecca jak u značeńni «adnosiny» va ŭsich sensach, tak i ŭ značeńni ad dziejasłova «stasavacca, stasavać» — h.zn. «być u adpaviednaści, adpaviadać». Jość i słovy «ŭzajeminy», «uzajemadačynieńni». Adnosiny Biełarusi i Rasii nie roŭnyja. Va ŭsich adnosinach jon čałaviek vydatny. Kola spyniŭ dačynieńni z Hanulaj. Jakoje heta maje dačynieńnie da mianie?

Toj samy sensavy padzieł jość u bolšaści inšych jeŭrapiejskich movaŭ. Pa-anhielsku: relations (relationship, regard) / attitude, pa-francuzskurelations (relation) / attitude.

Nie błytajcie słovaŭ staŭleńnie i adnosiny / dačynieńni, stasunki, uzajeminy, stavicca i adnosicca.

Kola spyniŭ dačynieńni z Hanulaj. Ale: jakoje tvajo staŭleńnie da Hanuli?

0

0

0

0

0

0

Siarhiej Hiezhała

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH