Zbornaja Biełarusi pa futbole pašyryła hieahrafiju kamand, jakim jana prajhravała. Ciapier da Luksiemburha i Andory dałučyłasia nie nadta patrabavalnaja ŭ futbolnym płanie Iardanija. Ź jakoj my praviali tavaryski matč u Amanie.Hulniu znoŭ nie pakazali na telebačańni, ci ŭ na sajcie fiederacyi. Dobra, što araby tranślavali. Škada było kamientataraŭ, kali jon mučyŭsia z proźviščam Vierchaŭcoŭ. A kali ŭ druhim tajmie treba było vymaŭlać «Chvaščynski», to lepš maŭčać.
Pačatak hulni byŭ aptymistyčny. Radzivonaŭ lohka adryvaŭsia ad abaroncaŭ, ale dakładnaści Vitalu apošnim časam (u tym liku ŭ BATE) brakuje. Zdavałasia b, takich supiernikaŭ treba vyjhravać z bujnym likam.
Mahčyma, takija šapkazakidalnickija nastroi prysutničali i ŭ samich futbalistaŭ. Šmatlikim atakam biełarusaŭ nie chapała zubataści. Zatoje adnaho prakołu ŭ abaronie chapiła dla projhryša. Šytaŭ i Vieramko akazalisia suprać dvuch napadajučych Iardanii. Pierakinuć bramnika dla Amiera Dyba było spravaj techniki.Uvieś druhi tajm biełarusy nasiadali na varoty iardancaŭ, ale ničoha z hetaha nie atrymałasia. Mahli prapuścić i druhi raz — vyratavaŭ Vieramko. Vyratavać ničyju ŭ kampiensavany čas moh Paŭłaŭ, ale nie chapiła techniki. Niepryjemny projhryš — 0:1.
25 sakavika biełarusy ŭ Katary praviaduć jašče adzin «tavarniak» z Kanadaj.
0
0
0
0
0
0
