Uzbrojeny mužčyna zachapiŭ u zakładniki niekalki čałaviek u kabiniecie stamatołaha ŭ centry Marsela.
U budynku, dzie znachodzicca stamatałahičnaja klinika, byli čuvać niekalki strełaŭ, na miesca zdareńnia prybyli palicejskija. Z ofisaŭ, jakija znachodziacca ŭ budynku, evakujavali ŭsich supracoŭnikaŭ, palicyja ačapiła miesca zdareńnia.
Pa dadzienych La Provence, mužčyna sa strelbaj zachapiŭ u zakładniki niekalki čałaviek, ale ich dakładnaja kolkaść nie nazyvajecca. Nie vyklučana, što złačynca moh paranić kahości z zakładnikaŭ.
Miž tym, pavodle L'Express, śpiecnaz pačaŭ apieracyju pa vyzvaleńni zakładnikaŭ, padčas jakoj pačałasia stralanina i ŭzbrojeny mužčyna paraniŭ stamatołaha, jakaja paźniej pamierła ad atrymanych traŭmaŭ.
Sam napadnik taksama atrymaŭ ciažkija ranieńni, ad jakich, jak stała viadoma paźniej, taksama pamior. Jamu było kala 60 hadoŭ.Pryčyny jaho napadu pakul nie viadomyja.
0
0
0
0
0
0
