Takuju dumku vykazaŭ namieśnik ministra finansaŭ Maksim Jermałovič u artykule, apublikavanym u lutaŭskim numary viedamasnaha časopisa Minfina «Finansy, učiet, audit».
Jak zaznačyŭ namieśnik ministra, u 2012 hodzie Ministerstvam finansaŭ u poŭnym abjomie vykanany abaviazacielstvy pa absłuhoŭvańni i pahašeńni dziaržaŭnaha doŭhu.
U vyniku pa stanie na 1 studzienia 2013 hoda parohavyja značeńni indykataraŭ sacyjalna ekanamičnaj biaśpieki nie byli pieravyšany. Unutrany dziaržaŭny doŭh skłaŭ 25,8 trłn. rubloŭ (pry limicie 34 trłn.), źniešni skłaŭsia na ŭzroŭni 12 młrd. dołaraŭ (pry limicie 14,3 młrd.).
«Varta zaznačyć, što ŭ 2013 hodzie Biełaruś vypłacić 3 młrd. dołaraŭ ZŠA źniešniaha doŭhu, ź ich 2,3 młrd. dołaraŭ budzie nakiravana na pahašeńnie asnoŭnaha doŭhu, 700 młn. dołaraŭ — na vypłatu pracentaŭ. Adšukańnie takoha abjomu srodkaŭ nie pavinna stać nievyrašalnaj prablemaj», — miarkuje Jermałovič.
Jon udakładniŭ, što na absłuhoŭvańnie źniešniaha dziarždoŭhu ŭ biezdeficytnym biudžecie krainy ŭžo praduhledžana 700 młn. dołaraŭ. Kala 300 młn. dołaraŭ pryciahnuta za košt vypusku valutnych ablihacyj dla jurydyčnych i fizičnych asob. «Jašče 1,3 młrd. dołaraŭ budzie vydzielena pa linii Antykryzisnaha fondu JeŭrAzES. Dla vypłaty astatniaj častki budzie pryciahnuta nazapašanaja astača», — zaznačyŭ namieśnik ministra finansaŭ.
