Uviečary 11 lutaha ŭ minskim padziemnymhandlova-zabaŭlalnym centry «Stalica» hrupa maładych ludziej pachulihaniła — spačatku raspyliła ślozaciečny haz na vierchnim uzroŭni, a zatym pabiłasia na nižnim.
Incydent, sa słoŭ adnaho ź vidavočcaŭ, adbyŭsia kala 20.45. Hrupa nieviadomych, mierkavana fanataŭ adnaho z futbolnych kłubaŭ, zajšła ŭ HC «Stalica» i raspyliła nieviadomy haz. Naviedvalniki adrazu pačali kašlać, u mnohich paciakli ślozy.
Jak vyśvietliłasia paźniej, raspyleńnie hazu było tolki adciahvajučym uvahu manieŭram. Chulihany tym časam spuścilisia na nižni ŭzrovień handlovaha centra, dzie źbili maładoha čałavieka, jaki naležaŭ, pavodle papiarednich dadzienych, da liku fanataŭ «varožaha» kłuba.
Na miesca zdareńnia ŭ HC «Stalica» prybyli niekalki naradaŭ milicyi. Zadziejničany ŭ pošuku chulihanaŭ i kinołah z sabakam. Paciarpieły (jaho kličuć Dźmitryj) prosić adhuknucca śviedak i paviedamić ab ubačanym pa telefonie milicyi 102.
0
0
0
0
0
0
