Uračystaje adkryćcio XX Minskaj knižnaj vystavy pačałosia na dźvie hadziny paźniej zapłanavanaha času — čakali Alaksandra Radźkova.Namieśnik kiraŭnika Administracyi prezidenta zatrymlivaŭsia pa svaich spravach. Pra heta viedali daloka nie ŭsie: pa zale «Biełekspa» špacyravała staršynia CVK Lidzija Jarmošyna, vydaviectvy nie śpiašalisia rasstaŭlać stendy, a na asnoŭnaj scenie viadučyja
Knižnaja vystavava, choć i jubilejnaja, choć i ź biaspłatnym uvachodam, vyjšła zusim niešmatludnaj. Raniej pierad uvachodam stajali achvotnyja vykupić zaprašalnik na adkryćcio, a sioleta možna i nie zrazumieć było z vulicy, što na «Biełekspa» adbyvajecca niešta istotnaje.
Zatoje ciesna było kniharam. «Nam nie dali stenda dla taho, kab raskłaści ŭsiu pradukcyju. — aburajecca Volha Mažaroŭskaja z vydaviectva „
taki nievialiki stend kaštuje tysiaču jeŭra.Da taho ž arhanizatary kažuć, što sioleta pracuje dva pavierchi. A što na druhim, kali miesca niama?»
Druhi pavierch nasamreč ździŭlaje — bolšaja jahonaja častka addadziena pad daŭžeznuju halereju sacyjalnych płakataŭ suprać kureńnia, ałkahalizmu i inafrmacyi pra demahrafičnyja prablemy. Da taho ž na stendach padrabiazna raskazana, jak Hitler imknuŭsia źniščyć Biełaruś, a Stalin, choć i byŭ čałaviekam nadta žorstkim, ličyŭ hałoŭnaj kaštoŭnaściu narod. Bolej nivodnaha stenda, jaki b možna było ličyć častkaj vystavy, na paviersie niama.
«Zaŭvažcie, z kožnym hodam usio mieniej i mieniej biełaruskich vydaviectvaŭ, — kaža spadarynia Mažaroŭskaja. — Cikavaść da litaratury padaje, i tut ničoha nie parobiš». Zatoje siarod knih źjavilisia stendy ź miodam i palčatkami.
«Vialiki sakramient»
Cyrymonija ŭračystaha adkryćcia vystavy nie źmianiajecca voś užo niekalki hod — zvyčajna Alaksandr Radźkoŭ razam ź ministram infarmacyi Aleham Pralaskoŭskim raskazvajuć, chto sioleta hanarovy hość vystavy i pierarazajuć čyrvonuju stužku. Sioleta zamiest Pralaskoŭskaha stužku pierarezała jaho namieśnica Lilija Ananič, da jakoj dałučylisia Mikałaj Čarhiniec i Lidzija Jarmošyna. U svajoj pramovie staršynia łukašenkaŭskaha sajuza piśmieńnikaŭ nazvaŭ vystavu «vialikim sakramientam». Taksama jon prynahodna ŭschvaliŭ siabroŭ svajho sajuza i plunuŭ u bok niezaležnaha.
Hanarovy hość vystavy sioleta — Rasija. Rasijski stend aformleny hustoŭna, ale knih na im zusim niašmat.Prynamsi, topavych aŭtaraŭ.
Zatoje cełaja vitryna pryśviečanaja tvorčaści Alaksandra Prachanava.Ale pakolki bolšaść inšych stendaŭ vystavy tym ci inšym bokam majuć dačynieńnie da Rasii, niedachopu ŭ rasijskich knižnych navinkach niama.
Usiaho na vystavie možna ŭbačyć stendy 25 krain.
Pieršy biełaruski raman i premija Hiedrojca
Adnoj z samych cikavych padziejaŭ pieršaha dnia vystavy stała prezientacyja «pieršaha biełaruskaha ramana» — rasiejskamoŭnaj knihi Jakuba Brajcava «Siarod bałotaŭ i lasoŭ», napisanaj u 1916 hodzie.Raman vyjšaŭ u vydaviectvie «Rehistr», jakoje śpiecyjalizujecca na knihach modnych rasiejskamoŭnych aŭtaraŭ — raman Brajcava ŭ vyniku trapiŭ na adzin stend z knihaj Tamary Lisickaj.
«Heta raman pra revalucyjaniera Alaksandra Savickaha, pra jahonaje žyćcio, ale padadziena jahonaja bijahrafija ŭ vielmi ramantyčnym klučy, Savicki ŭ im vielmi nahadvaje Robin Huda, — adznačyła dyrektar Biełaruskaha dziaržaŭnaha
U naviednikaŭ vystavy prezientacyja knihi Brajcava vyklikała žyvuju cikavaść, amal takuju samuju, jak i prezientacyja ramana Uładzimira Niaklajeva. Jana musiła adbycca na stendzie Polskaj ambasady i adkryć sieryju prezientacyj
Na ŭsiaki vypadak arhanizatary abiastočyli navat hukaŭzmacnialnuju aparaturu — a raptam Płošča? Tamu małady naminant Hiedrojca Andrej Pakroŭski, jaki musiŭ prezientavać paśla Niaklajeva svoj zbornik «Jak ja pierastaŭ vieryć u Dzieda Maroza» zastaŭsia biez padhučki.
Stendy zachodnich krainaŭ jaki ŭžo hod dajuć prykład, jak treba pryvablivać naviednikaŭ.Pasolstva ZŠA prapanuje paŭdzielničać u teście na viedańnie amierykanskaj litaratury. Stend Francyi, sioleta aformleny pad paryžski Paŭnočny vakzał. Padciahnułasia i naša «Biełkniha», aformiŭšy svajo pradstaŭnictva ŭ vyhladzie nievialikaj kramy.
Majuć nievialikija stendy i niezaležnyja vydaviectvy — «Technałohija», «Łohvinaŭ» i «Halijafy»… Ź jakasnym vybaram sučasnaj i kłasičnaj litaratury.Naprykład, u «Łohvinava» možna kupić usie knihi naminavanyja na Hiedrojca, pieravydańni Tanka, Hłobusa i Arłova, i navat najbolš cikavyja pierakładnyja naviny.
Vystava praciahniecca da 10 lutaha ŭ vystaŭnym centry «Biełekspa» (Kupały, 27). Uvachod na jaje — volny.
