10-hadovaja Vasilina* [imia źmieniena] 17 vieraśnia, viartajučysia dadomu z škoły, sustreła dziadulu Ściapana [imia źmieniena]. 82-hadovy viaskoviec paprasiŭ ź im pahulać i prapanavaŭ pajści da rečki pakarmić kačak.
U vadajoma pažyły čałaviek ździejśniŭ z Vasilina raspusnyja dziejańni.
Jakraz u hety čas mima raki prajazdžaŭ baćka dziaŭčynki. Jon ubačyŭ znajomuju vopratku i zrazumieŭ, što na bierazie kala kustoŭ na ziamli lažyć jaho dačka sa Ściapanam. Mužčyna kinuŭ rovar i paśpiašaŭsia da miesca, dzie znachodziłasia Vasilina.
Zasmučany ŭbačanym baćka ŭdaryŭ piensijaniera i zabraŭ dačku dadomu, dzie vyklikaŭ milicyju.
U prakuratury Bresckaj vobłaści paviedamili, što ŭ dačynieńni da piensijaniera raspačali kryminalnuju spravu pa č. 2 art. 169 KK RB (raspusnyja dziejańni).
Adnak u chodzie jaho rasśledavańnia pa zaklučeńni sudova-psichijatryčnaj ekśpiertyzy stary byŭ pryznany nieadekvatnym.
Pavodle pastanovy suda Stolinskaha rajona, vyniesienaj 22 studzienia 2013, Ściapan taksama byŭ pryznany nieadekvatnym. Ad kryminalnaj adkaznaści jaho vyzvalili, ale pryznačyli prymusovaje ambułatornaje nazirańnie i lačeńnie ŭ lekara-psichijatra.
Pastanovu ŭ zakonnuju siłu nie ŭstupiła i moža być abskardžana ŭ kasacyjnym paradku.
