FK BATE nakiravaŭ u Biełaruskuju fiederacyju futboła list z prośbaj razhledzieć pytańnie ab paetapnym pavieličeńni kamandaŭ u vyšejšaj lizie da 16 kłubaŭ.
Jak śćviardžajecca ŭ zvarocie, skaračeńnie vyšejšaj lihi pryviało da pazbaŭleńnia hulcoŭ junackich i maładziožnych zbornych naležnaj praktyki, zvužeńnia hieahrafii, a taksama nie pavialičyła kankurentazdolnaści kłubaŭ na jeŭrapiejskaj arenie.
U jakaści prykładu pryvodziacca čempijanaty Partuhalii, Vienhryi, Čechii, Šviecyi, Sierbii, Hrecyi i inšych krain.
Kolkaść kamand prapanavana pavialičvać paetapna: spačatku da 14 kamand, zatym da 16 kamandaŭ.
U sioletnim siezonie ŭ vyšejšaj lizie hulała 11 kłubaŭ, u nastupnym hodzie budzie 12.
ABFF prapanavała kłubam vyšejšaj lihi vykazacca da 24 śniežnia.
0
0
0
0
0
0
