У Мінску і ваколіцах ад сёння пачынаюць прадаваць бярозавік. Цана проста смешная 2

Купіць напой можна будзе штодня з 10:00 да 19:00 на тэрыторыі лясгаса па вуліцы Баграціёна, 70, піша Blizko.by.

Калі пакупнік прынясе сваю тару, то літр бярозавага соку абыйдзецца яму ў 49 капеек. А напой, разліты работнікамі ў 5-літровыя ПЭТ-бутэлькі, будзе каштаваць 4,61 рубля.

У Мінскім лясгасе папярэдзілі, што рух сокаў залежыць ад надвор'я, а сезон нарыхтоўкі доўжыцца не больш за два тыдні. Таму пра наяўнасць у продажы бярозавіку лепш загадзя ўдакладніць па тэлефоне 8 (017) 350-64-31.

Дарэчы, купіць напой можна будзе і ў лясніцтвах Мінскага лясгаса:

• Валмянскае лясніцтва (Дзяржынскі раён, в. Скірмантава);
• Дзяржынскае лясніцтва (Дзяржынск, 1-ы зав. Пратасава, Д. 4);
• Заслаўскае лясніцтва (Заслаўе, вул. Набярэжная, 43);
• Кайкаўскае лясніцтва (Мінскі раён, Кайкава, п/а Міханавічы, 103);
• Навасельскае лясніцтва (Мінскі раён, в. Наваселле, вул. Лясная, 1);
• Путчынскае доследна-вытворчае лясніцтва (Дзяржынскі раён, а/г. Путчына, вул. Паўночная, 21);
• Станькаўскае лясніцтва (Дзяржынскі раён, в.Станькава вул. М. Казея, 2).

Чытайце таксама:

Хутка пойдзе бярозавік. Чым ён карысны і як яго правільна збіраць?

Раўгеня — унікальны беларускі «квас», які мог бы стаць нацыянальным брэндам

Кмен — старажытны суперфуд беларусаў. Гісторыя і рэцэпты

Nashaniva.com