Фота: Andreea Alexandru / AP
Калі Еўрапейская народная партыя атрымае большасць парламенцкіх месцаў, фон дэр Ляен зможа застацца старшынёй Еўракамісіі яшчэ на пяць гадоў. Але за гэтую пасаду ёй давядзецца пазмагацца на перадвыбарных мітынгах і тэледэбатах з вядучымі кандыдатамі ад іншых партый (удзельнікаў гэтага дэмакратычнага працэсу называюць нямецкім словам Spitzenkandidaten).
Былая міністарка абароны Нямеччыны ўжо абвясціла асноўнай задачай свайго другога тэрміну на пасадзе кіраўніка Вышэйшага органа выканаўчай улады Еўрасаюза ўмацаванне абараназдольнасці ЕС.
Правацэнтрысцкая ЕНП, якая аб'ядноўвае Хрысціянска-дэмакратычныя, ліберальныя і кансерватыўныя партыі Еўропы, хутчэй за ўсё, застанецца найбуйнейшай фракцыяй найвышэйшага заканадаўчага органа Саюза пасля Чэрвеньскага галасавання.
Чытайце таксама:
У Еўрасаюзе створаць пасаду еўракамісара па абароне
Урсула фон дэр Ляен з'яўляецца фаварыткай на другі тэрмін. У іншых кандыдатаў шанцаў няма
Хто ўвайшоў у спіс самых уплывовых жанчын года па версіі Financial Times
