Фота: Shader
Як расказала заснавальніца праекта Дар'я Сесіцкая, канчатковае рашэнне аб запуску прадукту перад каляднымі святамі прынялі пасля таго, як адзін з буйных амерыканскіх блогераў апублікаваў агляд аб праграме ў сябе ў сацсетцы X:
«Мне падабаецца, як блогер апісаў наш стартап — Text-to-AR. Традыцыйна стварэнне AR-фільтраў патрабавала прафесійнага кодинга і дызайну. Наша каманда робіць ноўкод-інструмент, ствараючы камеру смартфона будучыні. Дзякуючы Shader кожны зможа стварыць эфект, фільтр толькі з дапамогай промта ці нават галасу. Мы вывучаем ідэю таго, што карыстальнік можа вымавіць што-небудзь накшталь Hey Shader, make me look cyberpunk («Ператвары мяне ў кіберпанк-героя») ці Add elf ears («Дадай эльфійскія вушы»), і вынік можа з'явіцца ў real-time-камеры».
Карыстальніку праграмы дастаткова апісаць на англійскай мове тое, што ён хоча атрымаць ад нейрасеткі. Пасля гэтага штучны інтэлект генеруе калядны эфект, які адлюструецца на фота ці відэа ў рэальным часе. Фільтр можна экспартаваць у іншыя сацсеткі. Пры гэтым нейрасетка здольная генераваць эфекты адразу з некалькімі людзьмі ў кадры.
Shader складаецца з экс-супрацоўнікаў стартапа Wannaby, кампаній Snapchat, Pinata Farms і Blizzard. У жніўні кампанія афіцыйна абвясціла аб прыцягненні інвестыцый на 580 тыс. даляраў. Падчас святаў усе функцыі праграмы будуць у бясплатным доступе.
Чытайце таксама:
Twitch дазволіў «мастацкую аголенасць». І пашкадаваў пра гэта ўжо праз два дні
Pornhub распавёў, якое порна беларусы часцей за ўсё глядзелі ў гэтым годзе
