Айцец Арцемій. Фота: Брэсцкі веснік
У 38-й Брэсцкай дэсантна-штурмавой брыгадзе вакансія гэтая ўжо занятая. На новую пасаду пераведзены прызыўнік гэтага года айцец Арцемій, паведамляе «Брэсцкі веснік».
24-гадовы вайсковец тэрміновай службы Арцём родам з Лунінецкага раёна. Ён скончыў духоўную семінарыю ў Жыровічах, ажаніўся і нават ужо паспеў два гады праслужыць святаром у адным з праваслаўных храмаў Пінска.
Святар-дэсантнік у 38-й брыгадзе спазнае азы воінскай службы нароўні са ўсімі, а калегі нават не падазравалі, што ён мае святы сан.
Айцец Арцемій упэўнены, што «Царства Нябеснае сілай слова бярэцца», і будзе прытрымлівацца гэтага прынцыпу Святога Пісання, займаючыся духоўна-маральным выхаваннем саслужыўцаў.
Чытайце таксама:
У беларускай арміі з'явіліся інструктары па працы з вайскоўцамі-вернікамі
