Высветлілася, што мужчына ўвесь дзень выпіваў, а калі алкаголь скончыўся, адправіўся «па дабаўку». Разам з ім у алкатрып адправілася і яго сям'я: жонка і дзеці ва ўзросце 3, 6 і 12 гадоў, якія, дарэчы, перавозіліся без дзіцячых утрымлівальных прылад, паведамляюць «Моцныя навіны».
Усе пяцёра пацярпелі ў аварыі: двое атрымалі цяжкія цялесныя пашкоджанні, сярод іх — 3-гадовае дзіця. Канцэнтрацыя этылавага спірту ў крыві кіраўніка сямейства склала не менш за 2,58 праміле.
Мужчыну пакаралі чатырма гадамі з пазбаўленнем права займацца дзейнасцю, звязанай з кіраваннем усімі відамі транспартных сродкаў, на тэрмін 8 гадоў. Таксама яго прымусова будуць лячыць ад алкагалізму.
Але і на гэтым гісторыя не скончылася. Пракуратура вырашыла больш дэталёва праверыць, у якіх умовах растуць дзеці. Аказалася, што бацькі ўжо траплялі ў поле зроку адпаведных органаў. Непаўналетніх дзяцей прызналі як тых, хто знаходзіцца ў сацыяльна небяспечным становішчы, сям'я пастаўлена на кантроль і з ёй праводзяцца прафілактычныя мерапрыемствы.
Чытайце таксама:
«Ён проста сіні ўжо». У Віцебску падчас трэш-стрыму памёр чалавек
У Баранавічах мужчына пабіў жанчыну з-за таго, што яна доўга была ў прыбіральні
Пʼяная маці ехала па дзяцей і ўчыніла ДТЗ. У яе крыві было 3,4 праміле
