Фота: belavia.by
Промакод DELHIWOW у два разы знізіць кошт квіткоў на рэйсы з 11 па 26 жніўня (туды і назад), як паведамляюць у авіякампаніі. Але квіткі трэба набыць з 14 да 21 ліпеня ўключна, потым промакод перастане дзейнічаць.
«Зніжка прымяняецца да тарыфных брэндаў SMART і FLEX, але не распаўсюджваецца на таксы і зборы. Для квітка, аформленага з промакодам, будуць дзейнічаць усе ўмовы абранага тарыфнага брэнда», — удакладняюць у «Белавія».
Рэйсы ў Дэлі плануюцца авіякампаніяй «Белавія» як рэгулярныя. Спачатку самалёты будуць лётаць у Індыю толькі па пятніцах, а з 20 верасня — ужо двойчы на тыдзень. Прыкладны час у палёце будзе складаць сем гадзін.
Чытайце таксама:
Мінскі аэрапорт запусціў у тэлеграме віртуальнага памочніка для пасажыраў
У Мінску задумаліся над авіярэйсам, які злучыць Беларусь і Кубу
