Фота Мінздароўя
Першыя 15 чалавек, якія перахварэлі на COVID-19, ужо сталі донарамі плазмы. Спецыялісты РНПЦ трансфузіялогіі і медыцынскіх біятэхналогій укараняюць такую методыку дапамогі пацыентам, якія, у сувязі з цяжкім станам, знаходзяцца пад асаблівым наглядам медыкаў, паведамляе Мінздароўя у сваім тэлеграм-канале.
Першыя 6 беларусаў здалі сваю плазму ў Мінску, сёння такое ж мерапрыемства праходзіць у Віцебску. На Абласной станцыі пералівання крыві Віцебска спецыялісты правялі забор плазмы з антыцеламі COVID-19 у беларусаў, якія перахварэлі каранавіруснай інфекцыяй.
Забор імуннай плазмы будзе праводзіцца і ў цэнтры трансфузіялогіі Мінска на базе 6-й гарадской клінічнай бальніцы.
Таксама ў наступны дні гэтую працэдуру плануюць пачаць праводзіць і ўсе абласныя цэнтры трансфузіялогіі.
Міністэрства аховы здароўя звяртаецца да ўсіх здаровых з заклікам стаць донарам і дапамагчы дактарам выратаваць тых, хто цяжэй пераносіць гэта захворванне!
