Фота: president.gov.by
Студэнтка, як піша TUT.BY, папрасіла прэзідэнта «раскрыць сакрэт» пра тое, якія словы ён кажа кандыдатам на кіраўнічую пасаду, калі іх прызначае.
— Патрапіш у кабінет да прэзідэнта з прызначэннем — усё пачуеш, — пажартаваў Лукашэнка. — <…> Апошнім разам казаў: Вось у нас выбары. Так, хлопцы. Выбары выбарамі, але мы павінны паказаць, што ў краіне ёсць ўлада. <…> Я ім сказаў: глядзіце. Мы павінны паказаць, што ёсць ўлада ў краіне. І абярэм і дэпутатаў, якія патрэбныя, і прэзідэнта таго, які патрэбны. А не [таго, якога] камусьці там на ўсходзе або на захадзе хочацца.
Лукашэнка звярнуўся да студэнткі і заўважыў, што па яе характары бачыць — яна можа быць кіраўніком.
— Уладу, як дзядуля Ленін казаў, трэба трымаць моцна. Калі я растапыру пальцы і буду тут вам усё гэта тлумачыць і не буду ўладу ўтрымліваць… Але гэта мая галоўная задача. Кажуць «вось ён такі-сякі, улада…» Ну слухайце, калі табе далі гэтую ўладу, ты яе павінен трымаць, не павінен яе ў гразь кідаць. Яна ў нас ужо калісьці валялася ў гразі. Вядома, трэба ўтрымліваць нейкімі прымальнымі, больш-менш дэмакратычнымі метадамі. Калі мяне, дапусцім, тычыцца. Каб людзі неяк нармальна гэта ўспрымалі. Ты ж не будзеш руліць ва ўгоду нейкаму клану, які цябе акружае, і людзі цябе ўсе будуць ненавідзець. Крый божа.
