44-гадовы жыхар Пінска патэлефанаваў у міліцыю і паведаміў, што цешча скрала ў яго грошы. На месца здарэння выехалі ўчастковыя. Праваахоўнікі пагрукаліся ў дзверы да заяўніка, але мужчына катэгарычна адмаўляўся адчыняць і аблаяў іх, паведамляе брэсцкая міліцыя.
Калі нарэшце дзверы адчыніліся, пінчук выйшаў на ўчастковага з нажом. Напарнік выбіў нож і скруціў дэбашыра. У кайданках яго адвезлі ў пастарунак.
Заведзена крымінальная справа па факце пагрозы прымянення гвалту і гвалту ў дачыненні да супрацоўніка органаў унутраных спраў.
0
0
0
0
0
0
