У Кітаі будаўнікі знеслі пяціпавярховы дом, які стаяў проста пасярэдзіне нядаўна пабудаванай аўтамагістралі, бо яго гаспадар Лю Бааген пагадзіўся пераехаць у іншы будынак за кампенсацыю.Раней з-за адмовы 67-гадовага фермера ўладам прыйшлося будаваць запланаваную трасу так, каб яна агінала дом.
Калі ўлады горада Венлінг правінцыі Жэджыанг на ўсходзе Кітая вырашылі правесці тут дарогу, яны знеслі жылы раён, перасяліўшы яго жыхароў. Але сям'я Лю Баагена адмовілася расставацца з нерухомасцю, палічыўшы, што на прапанаваную ўладамі кампенсацыю новы дом у іншым месцы не пабудаваць, таму пераязджаць адмовілася.
І пара была вымушаная жыць пасярод хуткаснай аўтамагістралі ў доме, які паступова разбураўся. Шаша пакуль не дабудавана, і ездзяць па ім толькі мясцовыя жыхары і тыя, хто адмыслова прыехаў паглядзець на гэты цуд.Стаміўшыся пераконваць пажылую пару з'ехаць з будынка, улады праклалі шашу вакол дома.
Пасля таго, як фермер, што займаецца развядзеннем качак, адмовіўся падпісваць пагадненне пра яго знос, яго ўчынак стаў актыўна абмяркоўвацца карыстальнікамі сацыяльных сетак ва ўсім свеце, а пяціпавярховы будынак - знакам пратэсту супраць прымусовага зносу ўласнасці.
І ўсё ж Лю доўга не вытрымаў, і праз некаторы час добраахвотна пагадзіўся пакінуць свой дом пры кампенсацыі 260 тыс. юаняў ($ 41 700).Спачатку Лю адмаўляўся ад кампенсацыйнага пакета, але пасля сустрэчы з мясцовымі чыноўнікамі змяніў сваё меркаванне.
0
0
0
0
0
0
