Уладзімір Андрэйчанка. Скрыншот з відэа
Уладзімір Андрэйчанка мае кватэру ў мікрараёне Дразды ў Мінску па адрасе вуліца Піянерская, 7. Гэта трохпакаёўка ў шматкватэрным будынку, яе плошча — больш за 113 «квадратаў». Жыллё было набыта ў 2009 годзе, а ў 2010-м яго прыватызавалі. У гэтай жа кватэры прапісаная жонка Андрэйчанкі — 69-гадовая Кацярына.
Дом №7 на вуліцы Піянерскай у Мінску. Фота: «Яндэкс. Карта»
Цяпер у гэтым доме прадаецца некалькі кватэр. Кошт самай таннай трохпакаёвай — 918 356 рублёў (285 000 даляраў), самай дарагой — 1 124 583 рублі (349 000 даляраў).
Нерухомасць ёсць і ў Кацярыны Андрэйчанкі — дом № 10а на вуліцы 8-й Лугавой у Віцебску. Жыллё займае плошчу амаль 350 «квадратаў», у ім ёсць склеп, мансарда, тэраса, навес. На ўчастку маюцца лазня і хлеў.
Дачка Андрэйканкі, 41-гадовая Наталля, жыве таксама ў пасёлку Дразды ў Мінску непадалёк ад бацькоў. Па дамове дарэння ў 2021 годзе да яе перайшоў дом № 21 на вуліцы Вербнай. Будынак займае плошчу больш за 253 «квадраты».
Дом №21 на вуліцы Вербнай у Мінску. Фота: «Яндэкс. Карта»
Таксама Наталля мае двухпакаёвую кватэру плошчай 55,6 м² у панэльным доме № 90 на вуліцы Ціміразева, ён знаходзіцца за спартыўна-забаўляльным комплексам «Мінск-Арэна». Вядома, што жанчына працавала юрысконсультам у кампаніі «Белтрансгаз», а таксама фірмах «Дэлікатфуд» і «Мантана».
Дом № 90 на вуліцы Ціміразева ў Мінску. Фота: «Яндэкс. Карта»
У Андрэйчанкаў таксама ёсць 49-гадовы сын Уладзіслаў, нядаўна ён пакінуў пасаду генеральнага дырэктара кампаніі «МТС», якую займаў з кастрычніка 2021 года. Да гэтага мужчына быў на кіруючых пасадах у Віцебскім і Магілёўскім філіялах кампаніі.
Уладзіслаў Андрэйчанка. 2024, Мінск. Фота: МТС
За Уладзіславам на сярэдзіну 2021 года лічыліся чатыры аб'екты нерухомасці ў Віцебскай вобласці:
- кватэра ў Віцебску ў доме № 22 на вуліцы Міру;
- гараж на вуліцы Лазо ў Віцебску;
- дом на самым беразе Заходняй Дзвіны — у вёсцы Падбярэззе Віцебскага раёна;
- у вёсцы Мар'янава Лёзненскага раёна — зямельны ўчастак. Адзначым, што Мар'янава — родная вёска Уладзіміра Андрэйчанкі.
Дом №22 на вуліцы Міра ў Віцебску. Фота: «Яндэкс. Карта»
Што тычыцца аўтамабіляў, то ва Уладзіміра Андрэйчанкі была Toyota Land Cruiser 2006 года выпуску. Цяпер аўто такой мадэлі і года каштуе прыкладна 62-67 тысяч рублёў.
Дачка чыноўніка ездзіла на Audi Q5 2015 года выпуску. Кошт гэтай машыны сёння вар'іруецца ў межах 64-87 тысяч рублёў.
Уладзіслаў Андрэйчанка меў Nissan Qashqai 2018 года выпуску. Гэта аўто сёння можна купіць ад 43 да 74 тысяч рублёў.
Чытайце таксама:
Якая маёмасць ёсць у Косінца? Дом у Драздах, кватэра на Гвардзейскай… І чатыры ствалы
