Foto: Rasijskaja čyhunka
Pytańnie zapusku pamiž dźviuma stalicami čartarnaj «Łastaŭki» abmiarkoŭvajuć Respublikanski sajuz turystyčnaj industryi i Rasijskaja čyhunka.
Staršynia praŭleńnia RSTI Filip Huły raskazaŭ, što biznes vielmi zacikaŭleny ŭ takoj idei. Pavodle jaho słoŭ, biełaruski bok maje dastatkova kankurentnuju prapanovu. Huły spadziajecca, što kankretyka pa hetym pytańni źjavicca ŭ pačatku leta, paviedamlaje Myfin.
Kiraŭnik RŚCI miarkuje, što zapusk čartarnaha chutkasnaha ciahnika dapamoža raźviazać łahistyčnyja prablemy rasijskim kampanijam, jakija arhanizujuć u Biełarusi karparatyvy na niekalki sotniaŭ čałaviek.
Zakazvać pieralot dla takoj kolkaść ludziej doraha, a zapusk čartarnaha ciahnika dapamoža rasijskim kampanijam aščadzić hrošy. Pa padlikach Hułaha, adzin dadatkovy ciahnik «Łastaŭka» moža pieravieźci 900 čałaviek.
Čytajcie taksama:
«Ad Maskvy da Piciera praz Sajuznuju dziaržavu». Biełaruś uklučać u rasijski turystyčny maršrut
Turystaŭ u Biełarusi mienšaje, navat rasijanie znachodziać novyja kirunki
