Apošniaje vyčvareńnie Edzika Tarleckaha
Voś užo katory raz u interviju biełaruskaj presie (“Biełorusskaja hazieta”, “Biełaruskaja maładziožnaja”, “Dień” i h.d.) kiraŭnik miascovych hiejaŭ i leśbijanak Edvard Tarlecki zhadvaje majo imia i śćviardžaje, što chacieŭ by, prabačcie, zaniacca sa mnoju seksam. Repliki zbolšaha nieprystojnyja, ale systematyčnyja, tamu adkazać treba — kab usie zrazumieli, adkul rastuć nohi ŭ hetkaha vyčvareńnia.
Ja mahu ŭjavić zakłapočanaść Edvarda – jon usio-taki najbujniejšy homo sexualist u Biełarusi. Taksama viadoma, što jahonaja liha seksmienšaściaŭ “Lambda” zajmajecca nia tolki fizijalahičnymi vyčvareńniami, ale i adkrytaj dyskredytacyjaj demakratyčnaje hramadzkaści ŭ krainie. Źjaŭleńnie hiej-ściahoŭ, hiej-paradaŭ i inšych hiej-pravakacyjaŭ na mierapryjemstvach ź bieł-čyrvona-biełaj symbolikaj, na demanstracyjach suprać režymu j uračystych schodach źnievažaje ŭvieś nacyjanalny ruch, daje vyklučnyja arhumenty BT i zvodzić sutnaść paniaćcia “pravy čałavieka” da pravoŭ na reklamu razbeščanaści j zła.
Zhadanyja pasažy E.Tarleckaha i jość takoj typovaj pravakacyjaj. Takim čynam kiraŭnik “Lambdy” pomścić za adzin vypadak u lipieni 2001 h. Tady arhanizacyjny kamitet Kanhresu biełaruskaj moładzi bolšaściu hałasoŭ aficyjna admoviŭsia zaprasić lihu seksmienšaściaŭ “Lambda” na ŭračysty schod u jakaści arhanizacyi-ŭdzielnika. Z toj pary ja, jak kiraŭnik arhkamitetu, i staŭ najpieršaj mišeńniu dla “daścipnych” vykazvańniaŭ Tarleckaha.
U tym ža interviju “Dniu” Tarlecki śćviardžaje, što jon – “vierujučy”. Pabojsia Boha, Edzik! Pederastyja, pavodle Biblii, śmiarotny hrech, a jejnaja prapahanda – tym bolš. Tamu patalahičnaja nianaviść Edzika da chryścijanstva całkam vytłumačalnaja.
Edvarda Tarleckaha mnie daviadziecca rasčaravać. Jak chryścijanin i prosta narmalovy čałaviek, ja staŭlusia da homaseksualistaŭ jak da niaščasnych, skalečanych i chvorych ludziej. Sam fakt ich isnavańnia jość vynikam sapsavanaści j hrešnaści śvietu. Pry vyhladzie mužčynaŭ, jakija nia zdolnyja kachać žančynaŭ, u mianie ŭźnikaje tolki prykraje pačućcio žalu – jak pry vyhladzie adnanohich, ślapych abo šyzafrenikaŭ.
Sam ja, dziakuj Bohu, hieteraseksuał. Mnie padabajucca žančyny, i ja liču, što heta naturalna. Edvardu Tarleckamu ja ŭsio-taki raju spačatku schadzić da seksapatolaha, a potym – u carkvu ci kaścioł. Kali pakajacca i ŭvieravać u Chrysta – Boh zbavić. I ad vyčvareńnia, i ad djabła, i ad naviaźlivych idejaŭ.
Pavał Sieviaryniec
