Dni kultury Švecyi ŭ Biełarusi raspačalisia 17 traŭnia z prezentacyi knihi «Švedy ŭ historyi j kultury biełarusaŭ» Andreja Katlerčuka. Pierad tym, jak na scenie teatru Źnič, što ŭ Čyrvonym kaściole ŭ Miensku, niepasredna źjaviŭsia sam aŭtar, u «padarožža» pa siaredniavieččy haściej zaprasiŭ hurt Stary Olsa. Pradmovu zrabiŭ Stefan Eryksan — konsuł Švecyi ŭ Biełarusi, šyroka viadomy, miž inšym, svaim cudoŭnym viedańniem biełaruskaj movy.
Tak, 24 traŭnia adbudziecca prezentacyja jašče adnoj knihi: «Jonatan z hary čajek» Jenca Ałboma. Heta pryhožaje i piaščotnaje apaviadańnie pra maleńkaha chłopčyka, jaki naradziŭsia biaz kryłaŭ u krainie, dzie ŭsie musili ŭmieć latać.
Sustrecca z aŭtaram možna budzie a piataj hadzinie u Centralnaj dziciačaj biblijatecy ŭ Miensku (pr. Hazety «Pravda», 20)
30 traŭnia — 2 červienia, Litaraturna‑muzyčnyja dni 2007.
Na Litaraturnym aŭtobusie pa maršrucie Miensk — Harodnia — Pinsk — Miensk buduć padarožničać švedzkaja litaratary: piśmieńnica Astryd Trotcyh i paety Eryk Bierkvist i Kłaŭdzija Marks, a taksama šerah biełaruskich piśmieńnikaŭ dy muzykantaŭ.
7—10 červienia projdzie festyval sučasnaha švedzkaha kino
U Viciebsku adkryŭsia tydzień francuskaha kino. Ciaham tydnia ŭ kinateatry «Mir» pakažuć siem kinastužak roznych žanraŭ sučasnych francuskich režyseraŭ. A 27 traŭnia pakažuć film bieź pierakładu.
