Na palitviaźnia Alesia Bialackaha ŭskładziena zabarona na atrymańnie praduktovaj pieradačy i na karotkateminovaje spatkańnie z žonkaj.
Pra čarhovaje spahnańnie za parušeńnie «praviłaŭ pavodzinaŭ asudžanych», jakoje, nibyta ŭčyniŭ Aleś Bialacki, jahonaja žonka Natalla Pinčuk daviedałasia ź lista Alesia.
«Paśla 15 žniŭnia my źbiralisia jechać da Alesia na karotkaterminovaje spatkańnie. Zaraz hetaje spatkańnie ŭžo nie adbudziecca, bo ŭ svajoj paštoŭcy jon napisaŭ:
"Tolki što skłali čarhovy akt za vynas charčoŭ sa stałoŭki — nios svaju skibku chleba ź viačery".I za heta jaho pazbavili mahčymaści čarhovaj praduktovaj pieradačy i karotkaterminovaha spatkańnia. Uličvajučy papiarednija spahnańni, jon pazbaŭleny doŭhaterminovaha spatkańnia ŭ vieraśni i voś zaraz — karotkaterminovaha ŭ žniŭni. Vyhladaje tak, što na jaho metanakiravana robicca ŭcisk, i heta śviedčyć taksama pra toje, što za im pilna sočać i pra ŭsio dakładvajuć administracyi».
Pravaabaronca Valancin Stefanovič miarkuje, što pilny kantrol za Alesiem Bialackim maje na mecie pazbavić jaho mahčymaści daterminovaha vyzvaleńnia.
«Pa-pieršaje, była pastaŭlenaja zadača zrabić jaho złosnym parušalnikam, kab na jaho nie raspaŭsiudziŭsia zakon ab amnistyi. Bo ŭ hetym vypadku jahony termin źniavoleńnia byŭ by skaročany na adzin hod. Nu, a pa-druhoje, ja nie vyklučaju, što na jaho cisnuć dziela taho, kab Aleś napisaŭ prašeńnie ab pamiłavańni. Bo taki cisk na palitviaźniaŭ čynicca, i nam heta dakładna viadoma.
I viadoma, što na siońnia dvoje palitviaźniaŭ napisali takoje prašeńnie — heta Syramałotaŭ, jaki źniavoleny pa spravie anarchistaŭ, i Siarhiej Kavalenka — pryčym napisali daŭno.Ale los hetych prašeńniaŭ nieviadomy — całkam paŭtarajecca situacyja z Bandarenkam i Sańnikavym, jakija napisali prašeńni šmat raniej, čym ich vyzvalili. I tamu, naturalna, što hetaje pakarańnie źjaŭlajecca vynikam pieraduziataha staŭleńnia da Alesia Bialackaha z boku administracyi babrujskaj kałonii».
Aleś Bialacki, nahadajem, asudžany na 4,5 hoda źniavoleńnia.
