U Pružanskim rajonie 2 śniežnia abjaŭlena žałoba pa zahinułych členach ekipaža Mi-24 181-j bajavoj viertalotnaj bazy VPS i vojskaŭ SPA Biełarusi. Jak paviedamiła načalnik adździeła ideałohii Pružanskaha rajvykankama Natalla Zielaniak, adpaviednaje rasparadžeńnie padpisaŭ vykanaŭca abaviazkaŭ staršyni Pružanskaha rajvykankama Mikałaj Kudraviec.
U hety dzień na terytoryi rajona buduć pryspuščany dziaržaŭnyja ściahi i admienieny zabaŭlalnyja mierapryjemstvy.
Pavodle słoŭ Zielaniak, 2 śniežnia ŭ Pružanach projdzie pachavańnie členaŭ ekipaža viertalota: 38-hadovaha kamandzira ekipaža majora Aleha Kachno, 32-hadovaha šturmana Dzianisa Hłuščanki i 38-hadovaha bortinžyniera Valeryja Babko.
U 12.00 pačniecca panichida ŭ sabory Alaksandra Nieŭskaha ŭ Pružanach. Z 13.00 da 14.00 adbudziecca raźvitańnie z zahinułymi ŭ Pałacy kultury rajcentra. Na 15.00 zapłanavany žałobny mitynh na Paraślanskich mohiłkach, dzie buduć pachavanyja členy ekipaža.
Mohiłki raźmieščany niepadalok ad vioski Novyja Zasimavičy Pružanskaha rajona, dzie znachodzicca 181-ja bajavaja viertalotnaja baza VPS i vojskaŭ SPA Biełarusi.
Jak paviedamlałasia raniej,
vajenny viertalot raźbiŭsia 29 listapada kala 19.45 pry zachodzie na pasadku ŭ rajonie aeradroma Pružany paśla vykanańnia płanavych vučebna-trenirovačnych palotaŭ.Pavodle źviestak , katastrofa adbyłasia prykładna za paŭtara kiłamietra ad aeradroma. Usie try členy ekipaža bajavoj mašyny zahinuli.
Abstaviny krušeńnia vyśviatlaje kamisija Ministerstva abarony. Bresckim mižharnizonnym vajennym prakuroram raspačata sprava pa č. 2 art. 465 KK (parušeńnie praviłaŭ palotaŭ abo padrychtoŭki da ich abo inšych praviłaŭ ekspłuatacyi vajennych latalnych aparataŭ, što paciahnuła pa nieaściarožnaści śmierć dźviuch i bolš asob).
Zhodna z zahadam ministra abarony hienierał-lejtenanta Juryja Žadobina, u suviazi z praviadzieńniem rasśledavańnia časova prypynienyja paloty avijacyi Uzbrojenych sił Biełarusi.
