Pamier siaredniaj piensii ŭ Litvie na siońnia składaje 800 litaŭ, paviedamlaje delfi.
U hetaj krainie siońnia mocna dyskutujecca pytańnie, ci ŭličvać pracoŭny staž za SSSR. Ulik stažu, atrymanaha ŭ časy SSSR, patrabuje dadatkovych 130 młn litaŭ, što dla Litvy ščodry krok. Tamu ministerstva sacyjalnaj abarony prapanavała nie ŭličvać hety pieryjad.
Adnak prezident Dala Hrybaŭskajcie, u tym liku z papulisckich mierkavańniaŭ, vystupiła suprać, zaznačyŭšy, što piensijanier sam volny vybrać pieryjad pracoŭnaha stažu: za kamunistami, abo za časami niezaležnaści.
Kančatkovaje rašeńnie pa hetym pytańni budzie pryniata ŭradam u piatnicu.
Piensija ŭ 800 litaŭ heta, pavodle siońniašniaha kursu (1:2,5267), 316,6 dalara.
U Biełarusi ŭ vieraśni pamier siaredniaj piensii pa ŭzroście składaŭ 795 tys. rubloŭ
Kali ŭličvać siońniašni kurs dalara na dadatkovaj siesii ŭ 9 tys. rubloŭ, heta 88 dalaraŭ, što ŭ 3,59 razu mieniej čym u Litvie. Navat pa kursie Nacbanka heta 140 dalaraŭ.
Razam z tym łukašenkaŭskija ŚMI padajuć dyskusiju ŭ Litvie jak ździek ź piensijanieraŭ, abminajučy nasamreč ździeklivy pamier piensij u samoj Biełarusi.
