«Varta pajści dalej i na zakanadaŭčym uzroŭni ŭstalavać miery adkaznaści baćkoŭ za nienaležnaje vychavańnie dziaciej, až da administracyjnaha pakarańnia»,— zajaviŭ A. Łukašenka ŭ paniadziełak u Miensku na naradzie piedahahičnaha aktyvu krainy.
«Rost siamiejnaha niedabrabytu vymusiŭ nas pryniać žorstkija miery da niadbajnych maci i baćkam, my prymusili ich kampiensavać raschody dziaržavy pa ŭtrymańniu dziaciej», nahadaŭ jon. Pavodle jaho słoŭ, u 2010 hodzie ŭdałosia na 40 pracentaŭ skaracić kolkaść dziaciej, adabranych u baćkoŭ pa rašeńni suda, u try razy skaracić kolkaść admovaŭ ad małych, prystupić da paetapnym zakryćcia internatnych ustanoŭ.
«Liču heta našaj ahulnaj pieramohaj. Zaraz treba nie źmianšać tempy ŭ pracy», — padkreśliŭ jon.
A. Łukašenka taksama pierakanany, što navučalnym ustanovam nieabchodna bolš aktyŭna dałučać siamju ŭ vychavaŭčy praces. Jon dadaŭ, što dziaržava maje namier praciahvać akazvać usiebakovuju dapamohu ŭ vychavańni dziaciej. «My budziem stymulavać i padtrymlivać tych, chto naradžaje dziaciej», — skazaŭ A. Łukašenka. Pry hetym jon ličyć, što ŭ siamji pavinna raści nie mienš za 3 dziaciej.
