Rasśledavańnie pa kryminalnaj spravie lidara Abjadnanaj hramadzianskaj partyi Anatola Labiedźki adnoŭlena. Načalnik śledčaha upraŭleńnia papiaredniaha rasśledavańnia Kazakievič prainfarmavaŭ palityka, što
«papiaredniaje rasśledavańnie pa kryminalnaj spravie N10011110362 adnoŭlenaje 1 žniŭnia 2011 hoda.Pra pryniataje pracesualnaje rašeńnie Vy budziecie apavieščany dadatkova».
Anatol Labiedźka na nastupny dzień paśla vyzvaleńnia z turmy.
Taksama ŭ adkazie Kazakieviča ŭtrymlivajecca reakcyja na fakt niezvarotu lidaru AHP pašparta i asabistych rečaŭ. Paviedamlajecca, što pytańnie razhladajecca u KDB.
«Na žal, z adkazu Kazakieviča niezrazumiełyja matyvy i pryčyny adnaŭleńnia rasśledavańnia. Heta daje padstavy mierkavać, što padaploka palityčnaja, a nie pravavaja. Siłavyja struktury rychtujucca da vosieni, i dajuć zrazumieć, što hatovyja zavodzić u adkrytuju spravu novych fihurantaŭ. Dla mianie heta aznačaje, što ja budu zastavacca ŭ statucie palityčnaha zakładnika niavyznačany čas, — kaža Anatol Labiedźka. — Što da pašpartu i asabistych rečaŭ, to tut MUS adkryta tykaje palcam u KDB, jaki stroić durnia i atrymlivaje asałodu ad svajoj maleńkaj poskudździ. Ja nie mahu nie tolki abmianiać pravy kiroŭcy, ale navat atrymać paštovyja listy. Ale heta i jość uzrovień intelektualnaha raźvićcia našych śpiecsłužbaŭ».
Lidar Abjadnanaj hramadzianskaj partyi adznačyŭ, što
«ŭsie pravavyja mahčymaści rašeńnia pytańnia vyčarpany.Ja maje namier začachlić ručku i bolš nie adciahvacca na papieratvorčaść. Źviartacca da našych pravaachoŭnych orhanaŭ u maim vypadku ŭsio adno što da telehrafnaha słupa».
