Na takim uzroŭni sychodziacca «try kity», try hałoŭnyja indykatary biełaruskich finansaŭ — valutčyki, karystalniki sajta prokopovi.ch i abmieńniki Vilni.
Čorny kurs dalara za apošnija niekalki tydniaŭ niezaŭvažna padros. Ciapier punkt raŭnavahi znachodzicca na ŭzroŭni kala 6350 rubloŭ. Na takoj dumcy sychodziacca «try kity» biełaruskaj ekanomiki apošniaha času — valutčyki, karystalniki sajta prokopovi.ch i abmieńniki Vilni. Heta značycca, što
kurs kupli dalara składaje 6200–6300 rubloŭ, a kurs prodažu — 6400–6600 rubloŭ.
Realny kurs jeŭra składaje 9000-9100 rubloŭ, a rasijskaha rubla - kala 225.
Mierkavańnie Nacbanka, ahučanaje jašče 15 červienia, zastajecca niaźmiennym — kurs 5000 rubloŭ za adzin dalar ličycca «adzinym raŭnavažkim na ŭsich siehmientach unutranaha valutnaha rynku». U apošnija dni aficyjny kurs dalara składaje 4950 rubloŭ.
Takim čynam,
razryŭ pamiž aficyjnym i čornym kursam dalara na ciapierašni momant składaje kala 28–29%.