Minskija rezidencyi Łukašenki 40

U internet-servisie Google Earth čarhovy raz abnoŭlenaja spadarožnikavaja mapa Minska. Novy zdymak, zrobleny 29 maja 2011 hoda, atrymaŭsia ŭ lepšaj jakaści za papiarednija.

Taki zdymak — ledź nie adzinaja mahčymaść dla biełarusaŭ pahladzieć na zakrytyja ad vypadkovych minakoŭ abjekty. Ubačyć, što znachodzicca va ŭnutranym dvoryku KDB, znajści tajamničyja vajskovyja abjekty pasiarod biełaruskich lasoŭ i, viadoma ž, palubavacca na dziasiatki rezidencyj kiraŭnika dziaržavy, jakija zvyčajna abniesienyja kalučym drotam.

U centry našaj siońniašniaj uvahi — šeść uradavych rezidencyj, jakija znachodziacca ŭ Minsku ci ŭ jaho vakolicach.

Nahadajem, što «Naša Niva» pisała i pra astatnija.

Na pieršaj karcincy — budynak na vulicy Marksa. Heta hałoŭnaje pracoŭnaje miesca Alaksandra Łukašenki. Jaho bačyŭ ledź nie kožny biełarus, ale ci viedajuć ludzi pra prybudovu ŭnutry rezidencyi?

Nastupny zdymak — pastaralnaja karcinka «Drazdoŭ» ź dziasiatkami maleńkich domikaŭ. Siudy jedzie kiraŭnik dziaržavy paśla pracoŭnaha dnia.

Treciaja rezidencyja — daŭniaje miesca prapiski Łukašenki. Ciapier u budynku pa adrasie Vajskovy zavułak, 4 jon byvaje nadzvyčaj redka.

«Zasłaŭje-1» i «Zasłaŭje-2» znachodziacca pobač. Jany prasłavilisia pieradusim dziakujučy livijskamu kiraŭniku Muamaru Kadafi, jaki padčas svajho vizitu ŭ Biełaruś pastaviŭ tut svoj namiot.

Pa susiedstvie dabudoŭvajecca zahadkavy žyły kompleks «Uschod», pra jaki zusim niadaŭna pisała «Naša Niva». Heta nie zusim rezidencyja, ale niešta vielmi padobnaje da jaje. U paraŭnańni ź minułym spadarožnikavym zdymkam hadovaj daŭniny zbudavańniaŭ tut stała ŭ niekalki razoŭ bolš.

Narešcie, apošni zdymak — pierakapanaje pole pad novuju rezidencyju. Pra jaje stvareńnie stała viadoma niekalki miesiacaŭ tamu, kali ŭ Internecie źjavilisia pieršyja rendary.

Vital Nieścieraŭ

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH