Vydatnaha biełaruskaha navukoŭca Stanisłava Hałakcijonava nie stała jašče 8 krasavika. Jon pamior u 74 hady ŭ Ałabamie.
Staś Hałakcijonaŭ zajmaŭsia malekularnaj bijałohijaj, pracavaŭ ź pieršymi EVM, dla jakich rychtavaŭ prahramy pa bijałohii, źviazanyja z vyznačeńniem struktur malekuł, a tady hetaja tema była zusim novaj i nadzvyčaj aktualnaj. Jon staŭ adnym z zasnavalnikaŭ toj dyscypliny, jakaja ciapier nazyvajecca malekularnym madelavańniem. Hałakcijonaŭ pačynaŭ pracu u Instytucie bijałohii NAN Biełarusi, dzie vakoł jaho, tady kandydata navuk, spantanna sabrałasia hrupa maładych navukoŭcaŭ, jakija davoli chutka atrymali pryznańnie ŭ navukovaj supolnaści. Žyćcio ž tym časam było składanaje — zarobak małodšaha navukovaha supracoŭnika składaŭ troški bolš, čym zarobak prybiralščycy. Pry hetym atmaśfiera pracy ŭ hrupie Hałakcijonava zastavałasia lohkaj i pryjemnaj. Jak kažuć siabry,
pracavać ź im navat u takich niaprostych umovach było adno zadavalnieńnie.
Jahonaje mierkavańnie było aŭtarytetnym navat dla maścitych maskoŭskich prafiesaraŭ užo tady, kali Hałakcijonaŭ byŭ prostym kandydatam navuk — nietryvijalny padychod da navuki zabiaśpiečyŭ jamu viadomaść. U
U90-ch Staś Hałakcijonaŭ pa siamiejnych abstavinach źjechaŭ u Złučanyja Štaty,
dzie praciahvaŭ pracavać u
Pryznańnie Hałakcijonava stała mižnarodnym— jaho pracy pa bijałohii pierakładalisia na jeŭrapiejskija movy. Sam vučony taksama vyvučaŭ movy, navat pierakładaŭ ź japonskaj. Pry hetym u jaho nikoli nie było ciahi da karjery, jakaja rehularna pieraškadžaje vučonnamu. Jon viedaŭ sabie košt, tamu zasiarodžvaŭsia na navucy, a nie na karjery. Taksama Hałakcijonaŭ zajmaŭsia vyvučeńniem historyi bijałohii ŭ Biełarusi, navat pryśviaciŭ pieršym biełaruskim bijołaham adnu z knih. Aktyŭnuju pracu Hałakcijonaŭ praciahvaŭ da 2001 hoda, kali ŭ jaho zdaryŭsia insult.
Siabry mohuć raskazvać pra Hałakcijonava hadzinami.
Heta byŭ vielmi lohki čałaviek, z šykoŭnym pačućciem humaru, a taksama ź biassprečnaj elehantnaściu.
Apošniaja jakaść pieradałasia jamu ad maci, peŭnuju rolu adyhrali i jahonyja šlachietnyja karani. Elehantna jon vyhladaŭ navat ź dzikavataj čyrvonaj valizkaj ź piŭnymi butelkami, kali prosta išoŭ pa vulicy. Navat ciažkachvorym jon nie dazvalaŭ chvarobie ŭziać nad im vierch i imknuŭsia žyć paŭnavartasnym žyćciom. U Ałabamie jon čas ad času vypuskaŭ drukavanuju hazietku dla koła siabroŭ, jana nazyvałasia «Dachadziaha Weekly i Daily Vopli», dzie z humaram raskazvaŭ pra apošnija padziei svajho žyćcia.
U Minsku na kuchni ŭ jaho visieŭ «partret pieŭnia», jakoha Hałakcijonaŭ namalavaŭ masłam. Siabry kažuć, što pievień vyhladaŭ jak žyvy.
Kremiravańnie słavutaha navukoŭca adbyłosia 20 krasavika. Jahony prach pachavali la dreva ŭ maleńkim miemaryjale bataničnaha sada horada Mobila — mienavita takoje pachavańnie, pa mierkavańni blizkich ludziej, bolš za ŭsio pasuje duchu Stasia Hałakcijonava.