Minski haspadarčy sud nakiravaŭ na ofis arhanizacyi pozvu za podpisam namieśnika načalnika hałoŭnaha ŭpraŭleńnia justycyi Minharvykankama Dźmitryja Antanieviča.
Kiraŭnik arhanizacyi Juraś Karetnikaŭ zaznačyŭ, što sud pavinien adbycca 15 vieraśnia ŭ Minskim haspadarčy sudzie (pačatak u 12:40). «Pravamu Aljansu» zakidajuć dziejnaść, nie adpaviednuju statutu.
Siabry «PA» pierakananyja, što pretenzii da arhanizacyi źviazanyja ź dźviuma rečami: ciskam napiaredadni prezidenckaj kampanii dy samastojnaj inicyjatyvaju minskich čynoŭnikaŭ, jakich razdražniała dziejnaść «Pravaha Aljansu».
«Ułady sprabujuć abmiežavać lubyja hramadskija hrupy dy inicyjatyvy. Siudy ŭpisvajecca i aryšt našaha palečnika Ihara Čapihi,« — prakamientavaŭ staršynia «Pravaha Aljansu» Juraś Karetnikaŭ. Iharu Čapihu , zatrymanamu 8 vieraśnia jašče na 72 hadziny za padazreńni ŭ datyčnaści da napadu na rasijskaje pasolstva. Pieršyja troje sutak aktyvist adsiadzieŭ za padazreńni va ŭdziele ŭ atakavańni minskaha izalatara časovaha utrymańnia pa zavułku Akreścina.
Za šeść hadoŭ pracy, «Pravy Aljans» tolki adzin hod pracavaŭ jak zarehistravanaja struktura. Sproby ŭładaŭ pazbavić «Pravy Aljans» rehistracyi nijak nie adabjucca na dalejšaj pracy, zapeŭnivajuć siabry arhanizacyi. «Dla nas asnoŭnym impieratyvam źjaŭlajecca nie zahady ci zabarony, a viečnaja nacyjanalnaja ideja,« — dadaŭ Juraś Karetnikaŭ.
Pavodle statutu «Pravy Aljans» zajmajecca ažyćciaŭleńniem infarmacyjnych funkcyj niekamiercyjnaha charaktara, padtrymkaj dziejnaści moładzi ŭ śfiery adukacyi, turyzmu, raźvićcia pradprymalnickaj dziejnaści, sportu, sadziejničaje ŭsiebakovamu raźvićciu hramadstva.
