Kiraŭniku «Svabodnaha teatra» stali pahražać paśla publikacyi artykuła pra hibiel Aleha Biabienina.
Pahroza pastupiła ŭ błoh Mikałaja Chalezina. Ananimnyja aŭtary pahražajuć źbić dramaturha ŭ padjeździe jaho doma ci padstroić aŭtakatastrofu.
«A ŭvohule možaš prosta źniknuć cichim adviačorkam, kali budzieš viadzierca z adkidami vynosić. I kali jedzieš na svaim haŭnachodzie pa horadzie — hladzi ŭvažliva, a to časam u hruzavikach tarmazy barachlać. Z buchoha vadziły čaho pytacca, a ty možaš i da łožka z kropielnicaj nie dajechać u mašynie ź mihałkami. Heta tabie, …, papiaredžańnie vusnaje, a dalej buduć zvanočki nie zusim pryjemnyja dla zdaroŭja. A kali i paśla nie zrazumieješ dyk, karaciej, ty zrazumieŭ», — kažacca, u pryvatnaści, u dasłanaj ananimcy.
Nahadajem, što Mikałaj Chalezin pravodzić ułasnaje rasśledavańnie hibieli svajho siabra, zasnavalnika i kiraŭnika sajta charter97.org Aleha Biabienina. Dniami im byŭ apublikavany artykuł «Niazručnyja pytańni».
