Vystupajučy na sojmavaj naradzie Partyi BNF, kiraŭnik staličnaj arhanizacyi partyi Viktar Ivaškievič paviedamiŭ, što razam ź Jaŭhienam Afnahielem i Paŭłam Juchnievičam jany pieradali ŭ Mienski harvykankam zajavu z prośbaj dać dazvoł na praviadzieńnie 16 žniŭnia šeścia i mitynhu pad lozunham «Patrabujem mižnarodnaha raśśledavańnia spraŭ źnikłych».
Miarkujecca, što šeście projdzie pa maršrucie Akademija navuk — Płošča Svabody. Hetaja akcyja, patłumačyŭ Viktar Ivaškievič, budzie pryśviečanaja patrabavańniam vyśvietlić usie akaličnaści źniknieńnia Juryja Zacharanki, Viktara Hančara, Anatola Krasoŭskaha i Źmitra Zavadzkaha.
«Vielmi važna prademanstravać uładam, što ludzi vyjšli na vulicu. Ja dumaju, što heta budzie pieršy krok da vychadu ludziej na płošču ŭ dzień praviadzieńnia prezydenckich vybaraŭ», — skazaŭ Ivaškievič.
