U haračy čas hoda lepš admovicca ad afarboŭki i chimičnaj zaviŭki vałasoŭ, miarkuje trenier nacyjanalnaj zbornaj pa žanočych vidach rabot,cyrulnik-madeljer Natalla Chadanava.
«Leta dla vałasoŭ — ciažki siezon, tamu ŭ śpioku nie treba padviarhać ich mocnym vyprabavańniam, da jakich adnosiacca lubyja vidy chimičnaj zaviŭki i radykalnaje źmianieńnie koleru. Lepš admovicca ad termičnaj układki i naohuł achoŭvać vałasy ad rezkaha pierapadu tempieratur, — adznačyła Natalla Chadanava. — Ale voś biez kandycyjaniera abyścisia nielha».
Kali pryčoska patrabuje štodzionnaj układki, lepš prymianiać hiel z soncaachoŭnym filtram, ličyć śpiecyjalist. U śpioku važna vykarystoŭvać śpiecyjalnyja soncaachoŭnyja srodki dla vałasoŭ, pryčym vykarystoŭvać ich treba navat kali vy nie vyjazdžajecie z horada. Heta roznyja maski, balzamy, kremy, apałoskvalniki.
U haračy čas hoda pažadana jak maha mienš karystacca fienam.
Lepš dać vałasam mahčymaść vysachnuć naturalnym šlacham, a nie padviarhać ich dadatkovamu stresu.
Na dumku śpiecyjalista, zaplecienyja ŭ kasu vałasy — samaja ŭdačnaja ŭkładka dla letniaj śpioki. Da taho ž heta nie tolki pryvabna vyhladaje, ale i daje mahčymaść achavać vałasy ad škodnaha ŭltrafijaletu
